生育抉擇丨19歲港女北上結紮自述 背後原因勁心酸

一名19歲少女近日於網上分享其北上結紮的過程，更指過程中雖然母親大力反對，但因為1個原因，仍堅持完全絕育的念頭。她指即使手術後感到劇痛，仍然不會後悔。

該名女生於Dcard以「19歲女仔結紥」為題講述北上結紮原因及過程，她指因為香港價錢太昂貴，因此才決定北上，而由於當時未足20歲，她因此要找爸爸陪伴及簽字。當到達醫院後，醫生除了進行一系列例行檢查，亦曾多次重複地問她是否真的要進行結紥手術，甚至擔心她將來會後悔，建議以「活紥」取代「剪斷輸卵管」作絕育手段，不過卻被女生斷言拒絕。

手術的醫生講做活紥，即係用帶綁住就好，應該係驚我將來後悔，就算想生返，復原嘅機會都大。但係我再同做手術嘅醫生溝通，話要剪斷輸卵管，百分百嘅絕育。

接下來，由檢查，再經過6小時空腹，女生指真正手術時已經是晚上7點，她吸入麻醉氣體就自然地睡著，而醒來第一反應便是劇痛，令她難以動彈。

講真痛到癲，佢有俾尿道管，prefer我前6個鐘係可以排尿嘅，但係我痛到連小便都唔得....一直都冇瞓覺

女生指原先以為可以星期日當天做完當天便可出院，但因為傷口發炎，她最終星期二才被允許離開。她指離開時，傷口仍然劇痛，而且發現埋單共2萬人民幣，比預期多出9000人民幣。

2萬人民幣係結紥嘅費用。然後又痛又開心咁返香港，係羅湖坐上80蚊的港鐵頭等車廂返屋企。返到去俾阿媽心痛嘅碎碎唸: 做咩咁衝動啊…唉唔做都做咗了，唔痛唔痛了…

女生指由手術至今已經1年，並交代堅持絕育的原因是因為沒有信心令下一代開心:

可能我見識嘅野都係太少，感受唔到呢個世界有幾美好，但係既然我都感受唔到呢個世界嘅快樂，又點樣帶快樂俾下一代呢？

拆解女性外科結紮手術

根據家計會資料，輸卵管結紮手術是透過切斷或封閉輸卵管，使精子和卵子不能相遇，達到永久避孕的目的。女性輸卵管結紮手術共有兩種，分別為「經腹腔結紮手術」和「腹腔鏡結紮手術」。在非常罕見的情形下，女性在手術後仍會懷孕，這主要是因為結紮部位再復通的緣故。