中年好聲音2丨顏米羔見阿盈硬晒軚兄弟即起哄 網友課金撮合 譚輝智小學雞起踭

《中年好聲音2》衍生的男團「輕鬆啲」逢星期四一大班兄弟結集直播，一齊唱歌傾偈，昨晚「輕鬆啲」劉威煌、譚輝智、顏米羔、梁思傑、甘永傑、梁浩賢及王嘉明邀請到TVB娛樂新聞台的資深主持許文軒（Edmond）及潘盈慧做嘉賓，兩位同樣是唱得之人，除了配合大會主題大唱黎明金曲外，幾位「鬆啲」身分對調，由他們做主持「逼功」追問文軒和阿盈的私生活，席間更起哄要撮合阿盈和顏米羔，認真搞笑！

同場加映：中年好聲音2丨黃劍文笑罵由人靠堅持換來機會 坎坷過去拒賣慘望正能量感染粉絲

{{hket:ul-video id="10910"}}{{/hket:ul-video}}

中年好聲音2丨光頭仔王嘉明定居珠海好吃好住狂增磅 「輕鬆啲」兄弟監察2個月誓減22磅【下一頁】

{{hket:inline-image name="ync.jpg"}}{{/hket:inline-image}}

{{hket:inline-image name="Snap.jpg"}}{{/hket:inline-image}}

傾偈的過程中，Edmond難免被問及緋聞對象麥美恩，譚輝智即時說：「咦，我同佢玩過吹乒乓波喎！」Edmond追問：「好唔好錫？」輝智稱擔心Edmond會嬲，所以答：「唔好錫，仿似聞到Edmond陣味。」

不過隨後大家將焦點放在聲稱單身的阿盈身上，加上網友留言說：「唔怪得米羔今晚咁靜啦！」輝智即時頑童上身，先「小學雞」批踭撞向米羔，令米羔失平衡幾乎撞向阿盈，後來又加把嘴話：「真係未試過見到米羔咁樣呀！」劉威煌追問阿盈的擇偶條件，他問：「係咪唱歌要攞第三嗰啲？或者鍾意唱梅艷芳嘅歌嗰啲？」阿盈表示喜歡才華型、鍾意唱歌、不需要太靚仔、幽默搞笑等等，幾位兄弟即時起哄，認為條件跟顏米羔完全相符，梁浩賢更笑言：「輕鬆啲可以Book定酒席！」、「我認識米羔咁耐都知佢擇偶條件，口才好做主持、鍾意唱歌、要靚女！」再加一腳，令收看直播的觀眾人數和留言都狂飆升，支持米羔的粉絲都忍不住課金當「人情」，其中一位課金$520，寓意「520」係「我愛你」替米羔表白，氣氛超熱鬧！

《中年好聲音3》加新條款叮走200人 44歲前男歌手被老友老婆爆好想玩【下一頁】

幾位兄弟一於繼續玩，在最後大合唱環節，Edmond刻意安排阿盈坐在米羔身邊，更在背後做出大心心的手勢，成班兄弟都將兩人成為最後焦點，相當鬼馬。

撰文：娛樂組