《中年好聲音3》加新條款叮走200人 44歲前男歌手被老友老婆爆好想玩

綜藝節目《中年好聲音》叫好又叫座，收視及討論區都爆晒燈，連帶參賽者及得獎者們的人氣都越來越高，出歌、開演唱會兼瘋狂接騷。《中年好聲音2》剛剛3月完騷，古淖文、譚輝智及顏米羔等短短三個月已經有不少的演出邀約，而TVB亦希望繼續承接氣氛，立即宣布開始《中年好聲音3》招募，昨日正式開辦記者會，由「中1」、「中2」生以過來人身分呼籲大家勇敢追夢。

同場加映：父親節快樂｜ 鄭俊弘兒患天使綜合症最享受沖涼 感激囝囝：佢令我學識活在當下

{{hket:ul-video id="10800"}}{{/hket:ul-video}}

中年好聲音丨周國豐爆有女參賽者明冧張佳添 TVB開辦《中3》評審有新建議【下一頁】

{{hket:inline-image name="Wha.jpeg"}}{{/hket:inline-image}}

{{hket:inline-image name="448270085_10169150436745495_8466687857708795912_n.jpg"}}{{/hket:inline-image}}

{{hket:inline-image name="448048911_17863740924155176_3800450603382865420_n.jpg"}}{{/hket:inline-image}}

{{hket:inline-image name="448267618_980480463765255_1556471294610570247_n.jpg"}}{{/hket:inline-image}}

《中年好聲音3》正式展開全球招募，TVB邀請「中1」、「中2」參賽者拍攝宣傳片，昨日亦開辦記者會，歡迎世界各地的實力唱將參加海選，會上周吉佩透露有曾經出道的朋友有意參賽，他鼓勵對方不需要猶豫，因為比賽無論輸贏都一定有所得著，而且中年人能夠追夢的機會不多，應該要好好把握。

「中2」參賽者顏米羔、梁思傑、王嘉明、甘永傑、梁浩賢及節目導演潘文龍昨晚在「輕鬆啲」YouTube Channel開直播，邀請到「中1」師兄周吉佩和顏志恒到場，他們都積極呼籲大家參加《中年好聲音3》比賽，不過梁思傑笑言：「我留意到啲細字，《中3》報名條件有啲唔同，原來我哋想玩都玩唔到喎！」甘永傑笑言：「係呀，上一集先講完（王嘉明再參賽），但好似話你哋唔畀參加喇喎！見到有個條款，中1、中2嘅100強都唔得。」王嘉明笑稱改名再參賽，甘永傑說：「唔係喎，你可以Check Check個分數，如果你係108強，你有機會係嗰8個，就有機會。」

{{hket:inline-image name="WhatsA.jpeg"}}{{/hket:inline-image}}

{{hket:inline-image name="condition.jpg"}}{{/hket:inline-image}}

有網友建議甘永傑嗌老友丁子高參加，甘永傑說：「其實我覺得佢《中1》已經想參加，我覺得佢真係好想參加，佢係我身邊真心鍾意唱歌鍾意到爆嘅人，每日都唱歌三、四個鐘呀自己，冇嘢做就喺屋企唱歌，癡線，有冇咁鍾意唱歌呀？」大家都齊聲呼籲丁子高參賽！

丁子高曾經於1999年參加全球華人新秀歌唱大賽，亦有組織過樂隊組合VRF，最深入民心的歌曲是《寒冰掌》，但VRF最後在2002年拆夥。丁子高愛唱歌都不是秘密，曾經擔任老婆楊千嬅演唱會嘉賓，兩人合唱《飛女正傳》一曲成為經典，結婚之後，他專心做千嬅的經理人退居幕後，但偶然都會「夫妻檔」亮相內地的綜藝節目。在《芷珊約您》節目中，丁子高亮相回應楊千嬅的演出時，他自信稱千嬅表現得好全因有他的鞭策，而千嬅都有提到：「佢而家係因為丁總呢兩個字耽誤咗佢《中年好聲音》，其實我對佢好有信心呀如果佢參加！」連老婆都撐，黎芷珊都即刻慫恿丁子高今屆報名。

撰文：娛樂組