中年好聲音丨顏志恒返工唱歌兩頭燒攰到爆 老婆分享心痛畫面 兄弟周吉佩致敬

《中年好聲音》成功令一班熱愛唱歌的中年人可以盡情追夢，不止冠軍周吉佩、亞軍李佳及季軍羅啟豪，其他參賽者的表演邀約機會都大增。顏志恒（Benson）本身是五星級酒店廚師，在比賽中獲得第五名，過往多個大型慈善演出或者台慶等，Benson都獲安排獻聲表演，不過為了家庭他沒有放棄廚師的工作，只是盡力兩邊兼顧，近日Benson的太太Fion分享心痛的畫面，不少粉絲都大表心痛。

中年好聲音2丨兩屆參賽者合唱供網上投票揀心水 顏志恒同姓三分親 最高票數係佢？【下一頁】

{{hket:inline-image name="419824924_18405450721044092_2042015352705556164_n.jpg"}}{{/hket:inline-image}}

{{hket:inline-image name="408493662_1029223305079721_2592230922887191512_n.jpg"}}{{/hket:inline-image}}

Fion在IG分享Benson為了《中年好聲音2》兩屆學員合唱的錄影花絮，今次節目組安排Benson分別跟顏米羔及梁浩賢合唱，最終顏米羔入圍，梁浩賢慘遭淘汰，Benson在節目都難掩失望。Fion分享的兩張相中，一張是電視城外夫妻合照，另一張是Benson在車上睡著的照片，她留言說：「重返比賽嘅舞台，我坐喺觀眾席都好緊張，仲要錄影嘅時候係最忙最忙最忙嘅12月，原來好多人以為Benson已經冇做正職，當知道佢仍然仲係酒店返緊工嘅時候，大家都好驚訝，究竟係點頂？當日夜晚錄影，Benson就係收咗工再趕返去，連飯都趕唔切食，就梳化去錄影，錄影完走已經凌晨點幾，一上車飯團食咗一啖已經瞓着咗，我拍一拍佢叫佢食埋先，食多一啖都未食完，又已經瞓着咗，跟住已經唔忍心嘈醒佢，因為第二日繼續返0700。呢一刻好想影低留念，當兩個小朋友長大遇到鍾意做嘅嘢，而又想放棄嘅時候，比佢哋睇吓爸爸嘅堅毅。有時候夢想好似好遙遠，到好似好接近嘅時候，各種因素會令到自己有好多枷鎖，就係因為唔容易，先至更加珍惜。亦因為生活中嘅歷練，豐富甜酸苦辣嘅情感。深夜突然有感而發，好想多謝一直支持我哋嘅家人、朋友、同事，同bens加油站，仲有一直比機會我哋嘅人。我哋深信會有個更好嘅2024，越忙越有動力。#一上台就差足電 #1秒瞓得着 #鐵人爸爸 #鐵人媽媽 」

中年好聲音丨顏志恒搞生日音樂會好友撐場 Ben嫂激罕開金口合唱放閃【下一頁】

不少粉絲們見到Fion分享都紛紛留言大表心痛，「心痛呀。工作還工作。兩公婆真係好好保重自己身體！」、「又要糊口工作中還要堅持自己喜歡的事情的熱誠，好令人感動」、「真係好辛苦！好爸爸、好丈夫支持你呀！」、「真心佩服benson同你嘅堅毅，對夢想堅持到底，無論你哋行到幾遠，我哋嘅支持就有幾多！」等等，連「中2」生朱博文都說：「睇完呢段文字，莫名奇妙地有份感動湧上心頭….多謝你的分享！Benson加油！」

{{hket:inline-image name="benson1.jpg"}}{{/hket:inline-image}}

{{hket:inline-image name="bonson2.jpg"}}{{/hket:inline-image}}

日前，Benson為慶祝老友周吉佩的「好聲音中心」開張，聯同魏嘉信以「喊包三兄弟」組合首次直播唱歌，提到圓夢做歌手，Benson坦言仍然感覺好似發夢一樣，由於機會得來不易，所以份外珍惜每次演出，周吉佩即時爆料指比賽期間Benson一度崩潰痛哭，一個大男人在後台只吐下「好辛苦！」三個字就爆喊，他說：「當時我冇叫佢唔好喊，反而叫佢喊晒出嚟，喊出嚟舒服啲！」周吉佩指Benson要應付兩邊的工作絕對不容易，勇敢追夢圓夢之際，亦完全出於對家庭的一份責任，值得所有人向他致敬。

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組