《中年好聲音》第一屆出身的歌手們成為娛樂圈的新寵兒，不論名次，很多參賽者都獲得不少活動邀約的機會，大展歌喉，成為他們人生的「第二春」。本身是五星級酒店廚師的顏志恒（Benson），比賽期間一直兼顧工作，雖然辛苦，但他不放棄自己的正職，亦堅持追夢，絕對值得敬佩。
同場加映：黑妹韋綺姍薪火相傳率學生演出 吉吉啟豪深明癌症之苦義唱助人
中年好聲音丨顏志恒請假參加囝囝運動會 廿四孝爸爸玩親子接力 大仔勁開心【下一頁】
日前，顏志恒獲邀為文藝晚會演出，他跟羅啟豪合唱《壯志驕陽》，又跟周吉佩、吳大強和龍婷一齊合唱《紅日》，發放正能量，獲得一致好評。而下月就是顏志恒的44歲生日，亦是他正式入行以來第一個大型生日會，他的粉絲「Bens」特別為他準備一個大型音樂會，希望讓偶像唱個過癮，而他們亦可以聽得開心。
顏志恒近日在社交平台分享音樂會的海報，一絲不苟，他表示《晴報》訪問時說：「11月21日係我嘅生日，我啲粉絲好好，幫我搞個見面會加生日會同我慶祝，我哋今次會比較大型少少，喺九展Music Zone，大約可以容納400幾人，對我嚟講係一個好大嘅場地。今次算係第一個個人騷，希望親朋戚友可以好好享受，被我逼佢哋聽一晚歌，（視作演唱會？）我會唱歌又唔可以話係純演唱會，歌曲就一定多，仲會有神秘嘉賓，可能係《中年好聲音》嘅老友或者一路以來好錫我嘅人，不過暫時唔透露太多住！」他透露今次不會公開賣飛，但內部認購已經差不多有一半，希望繼續反應踴躍，大家一齊玩得開心。
中年好聲音｜顏志恒做廚師廿年獲頒長期服務獎 靚聲表演成飲食業界晚宴新寵兒【下一頁】
入行後，顏志恒獲得不少晚宴或者大型活動邀請擔任表演嘉賓，要應付本身的廚師工作和家庭，實在不容易，他表示：「由頭到尾都係嗰句，好多謝公司同事對我嘅遷就，我承認之前比賽返工真係好乏力，但公司好體諒，而家比賽完咗，我一定會做好正職工作，加上做酒店，聖誕越來越忙，希望兩邊協調到，每邊都做得好啲！」除了工作外，顏志恒更要兼顧家庭，日前太太忙碌工作期間，見到他親自教兩個仔做功課，大為感動，「要兼顧囝囝學業要，唔係一句辛苦太太就算，希望體力、時間上可以分配好，大家都為家庭出力。」顏志恒早前請假陪囝囝出席親子運動會，他笑言幸好跟《中年好聲音》籃球隊練開波，最終成功為大仔爭冠軍，細仔得第二，兩個仔都非常開心。
顏志恒早前接受何博文的YouTube Channel訪問，他大爆兩個仔都相當有表演慾，不時會將他比賽的片段翻睇再翻睇，亦會學爸爸唱歌，而他不忘感激「Bens」們的支持，「好驚喜有你哋出現，冇諗過咁多人鍾意聽我唱歌，盲撐我，多謝一路上支持，有時活動要日曬雨淋或者山旮旯咁遠都嚟撐我。而且我性格一向主張和諧，圍內同對外都要和諧相處，佢哋真係做到，感動！」
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
撰文：娛樂組