梁漢文老婆髮根全白依舊童顏 林文慧乳癌康復十年罕有曬恩愛

梁漢文（Edmond）近年做「大灣仔」大受歡迎，參加《披荊斬棘的哥哥》獲得唔少關注，長期都喺內地搵真銀。不過身為愛妻號嘅佢都不忘陪伴太太，日前佢就post出同太太林文慧（Karen）撐枱腳嘅片，恩愛到令人羨慕！

同場加映：  黃智雯演戲欠自信望離巢有突破 嫁有錢老公靠美食愛犬添情趣

{{hket:ul-video id="10019"}}{{/hket:ul-video}}

片中見先係見到坐喺度嘅Edmond自拍大頭，之後就轉身見到坐佢對面嘅太太林文慧，素顏嘅佢好精神又開心咁向鏡頭打招呼，之後Edmond好快就移走咗鏡頭，影番餐廳環境。林文慧自多年前患癌之後，就甚少於公開場合露面，Edmond雖然只係影到太太3/4張臉，不過都見到冇化妝嘅林文慧依然凍齡，但就「布甸頭」，頭頂剛生出嚟嘅髮根變得全白，同之前染黑咗嘅頭髮成強烈對比。

{{hket:inline-image name="1.jpeg"}}{{/hket:inline-image}}

Edmond與林文慧2008年結婚，結束十年愛情長跑，林文慧在2011年末發現患中期乳癌，於2013年4月康復。林文慧在2013年曾參與過梁漢文的歌曲《半邊生命》MV女主角，其後甚少在幕前露面。Edmond早前都有於抖音分享短片，太太都有一齊出鏡，當時佢化晒妝染埋髮更顯年輕。

Edmond1989年新秀出道，曾經歷負資產、保時捷被當街拖走、失業400多天，在失意的日子，女友林文慧（Karen）都守護在旁。Karen於2011年證診乳癌，梁漢文曾「責怪」自己：「我太太有這個病，其實好大程度都是受情緒、心情影響，有時大家……或者是我吧，工作忙，回家會一聲不吭，可能疏忽了。」梁漢文並尊重老婆意願當時冇將消息告訴任何一個朋友。

Karen之後因化療眉髮脫落更變得瘦骨嶙峋，梁漢文當時即使忙於準備演唱會仍會每天朝早陪老婆做化療及電療。為應付醫療費加入任賢齊公司，頻繁上內地接騷賺錢，希望能夠給太太最好的療程。Edmond嚴格制太太的飲食，堅持為太煲湯做飯，又戒掉不少壞習慣，更鮮少外出玩樂，不時以「浪子回頭」自嘲。2013年Karen打敗癌魔，至今已經過咗十年，梁漢文曾表示亦有過生兒育女的念頭，但經歷過太太的大病，就表示唔想再見到佢入手術室。此經一役後二人感情有所昇華，現在他們不時結伴做運動、行山，珍惜兩口子十指緊扣的日子。

圖片來源：Instagram