鍾雨璇着瑜伽服地鐵被老伯狂𥄫 網民責性感引人犯罪：預咗畀人睇

早前有一名女子於地鐵車廂中大吵大鬧，稱被一名中學生眼神性騷擾。該名中學生亦即時報警，最後冇人被告。日前又有人於討論區POST出一名着瑜伽服嘅女生喺車廂被老伯狂䏜嘅相，細看之下原來係頭暈歌手鍾雨璇（蘇慧恩）。

同場加映： 黃智雯演戲欠自信望離巢有突破 嫁有錢老公靠美食愛犬添情趣

{{hket:ul-video id="10019"}}{{/hket:ul-video}}

相中見到鏡頭喺鍾雨璇上車前已經開始影，鍾雨璇身穿瑜伽衫褲，上身瑜伽背心中空設計見到少少事業線。其中一張相鍾雨璇背對鏡頭，但就見到一個面對鏡頭嘅老伯雙眼瞪大直視鍾雨璇心口位置，令人側目。不過鍾雨璇全程只係低頭玩電話，對拍攝者同眼望望嘅老伯都冇反應，唔知係冇發現定不以為意。

{{hket:inline-image name="345455324_256104996945645_1425604905877834569_n.jpg"}}{{/hket:inline-image}}

不過睇相就唔似係近日發生，因為車廂中其他人都着得好清涼，而拍攝者依家先出Post都有啲不明所以。呢個Post引起咗唔少討論，有人認為老伯眼神實在令人覺得不安；有人反而話鍾雨璇着得性感「預咗人睇」；又有人話拍攝者更「居心叵測」。

鍾雨璇呢個名大家未必記得，但2021年佢曾參與「新城勁爆頒獎禮」一開始已經唔小心「搶晒風頭」。一眾出席歌手當時陸續上台拍攝大合照，期間鍾雨璇突然喺台上暈倒，身邊一眾歌手都被佢嚇到。唔少人都即時伸出援手，李妍立即除低外套幫佢披上，避免鍾雨璇走光，馮允謙、肥仔同林家謙等都有上前了解，陳展鵬更「公主抱」起佢，吳浩康同胡鴻鈞就協助攙扶佢返回後台休息，非常有愛。鍾雨璇醒後透露下午出席一個活動時已感到不適，今晚在頒獎禮因身上外套太厚，焗到腳軟，休息完後無大礙便回台下歌手席就坐。

圖片來源：網上圖片