張衞健演唱會綵排發生墮琴意外 58歲博老命吊威也彈琴直撻地面

無綫收視福將張衞健（Dicky）多年前開始已主力於內地賺「人仔」，近日佢宣布正式「重返」樂壇，2月12日大年初三在澳門舉行演唱會。近日佢都不時於社交平台上載綵排片段，58歲都冇「揸流攤」，出盡全力。不過日前就有一條流傳嘅綵排片拍低意外發生一刻，非常驚嚇。

同場加映： 中年好聲音2丨安雅希遵父遺訓舞台上落力表現 被海選照片嚇怕努力勁減43磅

{{hket:ul-video id="9973"}}{{/hket:ul-video}}

微博一個帳號post出一條張衞健為演唱會綵排嘅短片，留言：「張衞健演唱會綵排意外墮地，張衞健演唱會綵排吊威也彈鋼琴，意外墮地，看起來真的好危險啊，鋼琴直接砸在身上了。」片中見到張衞健連同鋼琴升至近兩米高，再自彈自唱，之後連人帶琴喺空中轉咗足足5個圈，講緊係成個人倒吊，360度巴黎鐵塔反轉再反轉咁樣轉，睇到都覺得好驚險。

{{hket:inline-image name="12.jpeg"}}{{/hket:inline-image}}

最終張衞健喺轉到較低處時連人帶琴墮地，仲被鋼琴壓住，而後面嘅機關同佈置都一同塌下，身旁嘅工作人員及拍攝者都立即停手上前救援，非常恐怖。唔少網民睇到片段都覺得好牙煙，留言：「好危險， 演唱會還是雜技團？」、「有點兒怕，還是搞安全一些的吧。」、「 Dicky唔好咁博啊！」、「「當自己真是齊天大聖了。」都有唔少人覺得佢敬業：「《追光吧》那個综藝裏面他就一直在搞超高難度的表演，老一輩太敬業了但太危險了，取消這個賣點吧，安全第一呀。」

張衞健回應表示已將該表演環節取消，而佢自己都冇事，請大家放心。佢又表示呢個環節已經暫時取消，不過就唔係因為太危險，佢相信將來都會用番，不過要等啲機關嘅零件到齊咗先再用。

圖片來源：微博