MC張天賦重返成名前Busking之地開騷 不忘初心感動大批粉絲圍觀力撐

歌手張天賦（MV）昨晚重返未出道前經常Busking的地方尖沙咀碼頭，為歌迷舉行一次免費的音樂會《This is MC - Live at Victoria Harbour》，報答歌迷這些年來對他的大力支持，引來近萬人圍觀，現場水洩不通，全場觀眾為12月1日生日的他合唱生日歌，場面非常熱鬧。

同場加映：社內相親丨盧瀚霆點評呂爵安陳漢娜邊個好嘴 Edan除衫激戰沈殷怡：唔知點樣錫

{{hket:ul-video id="9642"}}{{/hket:ul-video}}

夜校︳MC愛爆肚獲劉翁開綠燈力撐 同黃曦誼冇咀戲：續集加番【下一頁】

{{hket:inline-image name="DSC08770.jpg"}}{{/hket:inline-image}}

MC上台立即跟觀眾打招呼，他不忙提醒觀眾要守秩序，怕萬一有少少混亂都有可能被終止演出，幸好大家都非常乖巧，企定定睇騷。最終MC演唱了9首歌，再encore 2首，共11首歌後完成演出，歌迷都依依不捨。重臨出道前經常Busking的地方，MC坦言既開心又感動，「真係冇諗過咁多人，好開心，好多謝大家來捧場！Busking其實都有階級觀念，唔同位置有唔同level，當初我只係走廊附近唱，之後多人聽就可以升呢去電話亭，之後再升呢就係碼頭再落少少個位，然後最後就係呢度啦！」

{{hket:inline-image name="DSC08601.jpg"}}{{/hket:inline-image}}

{{hket:inline-image name="DSC09032.jpg"}}{{/hket:inline-image}}

MC選唱了兩首英文歌，分別為《Nothing on you》及《Talking to the moon》，雖然話自己冷親喉嚨不太舒服，但唱《Talking to the moon》卻發揮得淋漓盡致，唱畢後他語帶感動說，「都算還咗自己一個心願啦，其實獎唔獎都真係唔緊要，最緊要係大家來睇我唱歌，鍾意我唱歌。」音樂會完結前，工作人員抬出歌迷送的大生日蛋糕，讓MC非常意外及驚喜，「嘩！好靚呀，我都差啲唔記得咗，哈哈。」繼而他拿出手提電話，拍下全場歌迷唱生日歌給他的畫面做紀念。再encore《Good time》及《老派約會之必要》以答謝大家的愛。

MC張天賦呻嗌外賣平台苦等40分鐘 冇外賣員取消不果：一定台灣送嚟【下一頁】

{{hket:inline-image name="DSC08948.jpg"}}{{/hket:inline-image}}

{{hket:inline-image name="DSC08751.jpg"}}{{/hket:inline-image}}

{{hket:inline-image name="DSC09803.jpg"}}{{/hket:inline-image}}

{{hket:inline-image name="DSC09817.jpg"}}{{/hket:inline-image}}

演出後MC接受訪問表示非常之開心，能站回初心出發地唱歌給大家聽是自己一個願望，「有好多歌迷係busking睇到今日 ，見到佢地都有來支持，我一直好想公開唱《Talking to the moon》，好想借一個舞台唱，嗰陣比賽期間想唱，但最終都係唱唔到，今次可以帶到呢個熟悉地方點唱，真係了咗個心願。(幾時再搞演唱會？）公司再安排啦，地點唔係重點，喺海旁唱我都好開心，今次畀到信心公司，希望不久將來可以再搞！到時叫公司喺對面海大廈，打啲歌詞出嚟啦，哈哈...當提詞器，咁我就唔會再忘記歌詞。我係busking馬拉松之鬼嚟㗎，以前一出嚟唱就唱5、6個鐘，今日好小兒科唔夠喉啦！唱到《Talking to the moon》就回想返當初busking辛酸史，車費都搵唔夠就被人趕走，行到今日咁多人返嚟睇我唱歌，真係有個體會。我好希望香港可以好似台灣咁，有啲地方係有牌，可以畀busking嘅朋友安心演出，咁對busking街頭文化先有幫助。」

談到年尾樂壇頒獎禮，MC笑稱輸畀尹光絕對值得，至於歌曲，他就希望《世一》得到大家的喜歡和投票。談到今年生日如何渡過，MC謂約了媽咪食飯，又約了朋友一齊玩，年年也是差不多，至於生日願望，「今年再許願快高長大應該冇乜用啦，哈哈，反而我好想瘦啲，今次唔係吹水啦，因為最近有參與電影拍攝工作，當中好多打鬥場面，發覺自己郁得最勁係肚腩，咁都想自己以後線條靚啲。有一次拍打戲重拉傷咗大髀筋，好痛呀真係！今次同宇宙最強丹爺（甄子丹）合作，所以好多好勁動作戲，丹爺監製，佢好多動作有教我哋調整，我身手幾勁㗎，大家部戲出一定要去睇，都幾有型，所以希望再瘦啲，整個人視覺上、聽覺上都再好啲。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組