夜校︳MC愛爆肚獲劉翁開綠燈力撐 同黃曦誼冇咀戲：續集加番

MC張天賦首部擔正的黑色幽默喜劇電影《夜校》將於下個月公映，劇情講MC聯同好友凌文龍，綁架葛民輝的屍體以圖勒索巨款，在藏屍的廢校遇上做靈探直播的Candy黃曦誼，及飾演葛民輝兒子的吳肇軒等，眾人於是上演一場爆笑的困獸鬥。這日MC聯同Candy及導演劉翁接受訪問，分享拍攝處男作的點滴。

同場加映：我們的青春日誌丨蘇韻姿「被離家」迷惘中轉化心情 自責累媽媽擔心：佢想令我振作 

{{hket:ul-video id="9406"}}{{/hket:ul-video}}

{{hket:inline-image name="21.jpg"}}{{/hket:inline-image}}

{{hket:inline-image name="1.jpg"}}{{/hket:inline-image}}

{{hket:inline-image name="2.jpg"}}{{/hket:inline-image}}

MC指《夜校》是他的第一部電影，為此獻出多個第一次，包括第一次做男主角、吊威也及抬住人周圍走演戲等。至於抬住扮屍體的葛民輝佔多少戲份？他說：「未去到一半，三成時間應該有，因為幾主要嘅劇情，講述我如何去處理屍體，佢哋都有搵好真、好似嘅道具，但係都有啲重量，仲要係夏天喺冇冷氣嘅學校拍，係幾辛苦。（戲中多動作場面？）又唔算多！」

劉翁在旁補充表示：「MC唯獨一個動作場面，我覺得最危險係喺三樓跳落嚟，寫劇本時覺得三樓唔係好高，但係去到現場見到都幾高，由於乎嗌上去『MC，頂住呀』，但轉頭我有啲尷尬，因為凌文龍就係隔籬問『點解唔問吓我嘅？』。其實我又唔係偏心，始終係有啲驚，但當我同MC再講嘅時，佢竟然同我講『以前30樓我都爬出去啦，你真係唔使驚呢啲嘢。』。」MC續說：「喺未出道之前，我係有做過冷氣維修工，咁就未去到30樓，我諗唔算高，5、6、7樓左右，負責企喺（外牆）出面搬嘢…，都有做安全措施，我哋而家都好健在嘛！」

姜濤前緋聞女友丨Candy黃曦誼同MC張天賦談情 主動獻吻「人哋男友」游學修【下一頁】

原來MC喜歡臨場發揮，劉翁爆料話：「呢位大哥經常爆肚，但爆肚嗰啲全部用得晒。（MC作為新人第一次表現如何？）第一次嘅話算係吃力，因為角色用歪理去說服人，大家都遇過講歪理嘅人，要講得快、講得好似好真，呢個唔係好容易演繹到，但佢讀嗰啲對白好似佢自己寫出嚟咁，所以搵佢做係好適合。我哋係有大慨對白畀佢講，佢每次自發變咗唔同嘅嘢出嚟，最辛苦我只可以揀一個最得意嘅爆肚，好在凌文龍係佢拍檔，做10次都10次一樣，而佢唔一樣唔緊要，只要揀最好嘅take配合凌文龍嗰度就OK，甚至乎中間有啲爭啲NG，我唔cut機由佢做落去，而佢又真係繼續去做。」

MC對自己演出很滿意，「我係好鍾意睇笑片，而家可以參與其中，作為一個主角，所以儘量做好自己，可能誇張晒自己。（邊次爆肚係最好？）每次爆肚都好滿意，其實都好多，大家要睇先知。如果有機會好希望再參與喜劇，但必需要係劇本幾有趣，今次用偷屍體嚟做主題，我幾鍾意呢個題材。」

MC張天賦呻嗌外賣平台苦等40分鐘 冇外賣員取消不果：一定台灣送嚟【下一頁】

身為MC拍檔的Candy笑言合作有很多難忘事，最記得第一次見面要做演戲訓練，「我自己係比較慢熱同怕醜，但我哋要對望做啲練習時候，佢竟然耳仔紅晒，唔可以望我超過3秒，搞到相比起佢，我好似唔係幾怕醜，呢個位係幾難忘。」劉翁指Candy戲中要好冧扮型的MC，大讚效果喜出望外。至於這一對有否Kiss戲？劉翁說：「冇Kiss戲，佢哋係一見鍾情，但只係去到一見鍾情，所以係咪好蝕底咗，冇咗親密戲呢？」MC即場提議：「如果有續集咪可以加番，期望續集先啦，當然第一集做得好好先啦！」

追問MC經過今次後覺得自己適合做演員？他說：「坦白講做一個演員係好辛苦，如果做一個專業嘅演員係要好多方面綜合，覺得自己只係做到少少部分，我會話自己喜歡拍攝，但係同時間又唔太鍾意拍攝。（畀自己幾多分？）8分!」

（↓點擊圖片放大↓）

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

MC
Hair : Cliff Chan @ Myos
Make up : Tammy Au
Outfits: Harrison Wong

Candy
Hair : Match Tong @privateisalon
Makeup :King Yip @kingsmakeup Wasabi Cheung @kingsmakeup

攝影：馬駿傑
撰文：梁榮達