關心妍美國慈善騷捉哥哥上台唱 囡囡學校考試無緣同行做嘉賓

Jade關心妍日前在美國三藩市紅木城Fox Theatre，舉行兩場《SHiNE妍亮福音慈善演唱會》，為天津「和平之君」兒童福利院籌款，所有盈利將用作幫助殘疾孤兒。當日獲不少粉絲到場支持，門票早已售清，Jade在台上唱出廿多首歌曲，台下反應熱烈。

同場加映：

馮德倫大讚Meme伯尷尬笑好過癮 自爆財政全權由老婆舒淇揸fit

{{hket:ul-video id="9523"}}{{/hket:ul-video}}

{{hket:inline-image name="1.jpg"}}{{/hket:inline-image}}

{{hket:inline-image name="20231107101457.jpeg"}}{{/hket:inline-image}}

Jade表示：「始終外地做騷都係靠自己執生解決，同埋今次做慈善要慳家，唔敢搵太多工作人員同行，我同經理人、助手3個人攞住十篋歌衫同行李過關，好彩都習慣一腳踢自己照顧自己。我覺得最難嘅係適應時差，所以都早咗成個星期飛嚟做準備，呢個場地都好有歷史，過往都未試過有華人歌手喺度開演唱會，搞到自己都有啲啲緊張。」

甘願為慈善騷「跑數」 關心妍︰好多人話我傻【下一頁】

對於這次的慈善演唱會，Jade自爆婉拒歌酬為慈善出分力，「歌酬唔係咁緊要嘅，呢個騷目的係幫人，所以今次做善事之餘，又可以同移民嘅Fans見面聚吓舊，見到佢哋一家大細嚟支持，感覺真係好得意。唱唱吓我都忍唔住爆喊，喺香港都未試過，成個騷都好有愛。而我哥哥一直都喺芝加哥，今次佢嚟支持我，所以我都叫佢做『芝加亞哥』，佢見慣大場面梗係捉佢上台唱歌。」

關心妍下星期開騷壓力爆煲失眠 十個嘉賓上台：有啲外地返嚟【下一頁】

Jade笑言跟囡囡（楊榮心）早已「講掂數」，承諾下次再邀請她做「嘉賓」，「佢一直都以為我開演唱會就有份上台唱嘛，但係佢要返學同考試，所以就要同爸爸留喺香港，下次佢放假做巡迴先帶埋佢。而家晚晚會視像傾吓計，好在心心都大個囡，明白媽咪做善事幫人，同埋我出遊可以畀機會爸爸同佢獨處啦。」

（↓點擊放大睇圖片↓）

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組

圖片：大會提供