關心妍6月舉行20周年紅館個唱 馮允謙開處男騷夢想成真

關心妍（Jade）今日宣布於今年6月4日及5日假紅館舉行《關心妍Jade Kwan約20周年演唱會》，今次是Jade相隔十年再踏紅館舞台，她特別走到紅館外拍片，向歌迷報喜︰「我好希望舉行一個『無廁所位』嘅演唱會，因為fans都『餓』咗咁耐，會唱啲佢哋鍾意嘅歌。」

同場加映：娛樂直擊| 梁芷珮疫情下出遊拍攝感受良多 「冇人想見到全世界靜止晒」

{{hket:ul-video id="5602"}}{{/hket:ul-video}}

{{hket:inline-image name="FRED7457.JPG"}}{{/hket:inline-image}}

{{hket:inline-image name="FRED7322.JPG"}}{{/hket:inline-image}}

提到五歲女兒楊榮心甚有表演天份，Jade笑言未知囡囡是否願意擔任嘉賓，「平時同佢做直播只係對住個鏡頭，唔知佢對住現場觀眾會唔會怯場，所以要花時間做心理輔導，睇下佢臨場係咪準備好，不過佢都話想同我同台唱歌嘅。」Jade預告已操fit腹肌，揚言會有驚喜送給歌迷，令人期待。

{{hket:inline-image name="101.jpg"}}{{/hket:inline-image}}

另外，出道十年的馮允謙（Jay），亦將於今年7月2日起，一連三晚假九展Star Hall開處男個唱，並首度挑戰四面台。夢想成真開個唱的Jay，心情既興奮又期待，「最多謝係fans，好多由我初出道就陪伴到依家，畀咗好多鼓勵同支持我；有段時間我無晒自信心，甚至想放棄唔再做歌手，係佢哋無放棄我，不斷傳訊息叫我加油，成日問我幾時出歌，畀咗好大嘅力量我去堅持。我會做好今次演唱會去報答佢哋。」

{{hket:inline-image name="DSC09421.JPG"}}{{/hket:inline-image}}

{{hket:inline-image name="DSC09396.JPG"}}{{/hket:inline-image}}

Jay在個唱海報中展現陽光與性感一面，令人眼前一亮。一向「守身如玉」的他表示：「今次海報拍攝，喺設計師Kenji屋企嘅花園取景，藍天白雲仲有小河流，好有大自然感覺。今次影相最大挑戰，係我前兩日同屋企人上郵輪玩，好開心，食咗好多嘢，嚟到影海報時就知驚！」Jay穿着白色上衣，結實胸膛讓人看得熱血沸騰，拍攝團隊更為fans謀福利，不停解開Jay的衫鈕，挑戰他的性感尺度。Jay笑謂︰「唔知點解工作團隊個個想我騷少少胸肌，不停除我啲衫鈕，有少少尷尬，好驚啲肥膏『咇』晒出嚟！」

{{hket:inline-image name="DSC09428.JPG"}}{{/hket:inline-image}}

{{hket:inline-image name="p1.jpg"}}{{/hket:inline-image}}

個唱開騷倒數尚餘70天，Jay透露正努力減磅，他說：「嚿年減咗15磅，但自從爸爸返咗香港同我一齊住，呢半年佢日日煮好多好好味嘅嘢畀我食，我唔食佢會嬲，身為孝順仔一定要食晒，結果重咗十磅，但就嚟開騷我真係唔可以再食。」除了減磅，Jay笑言另一挑戰是背歌詞︰「我記性唔好，要記晒啲中文歌詞要花好多時間，所以我將演唱會嘅歌放晒入playlist不停聽，瞓覺都聽，希望發夢都記得。」

撰文：倪小珊