吳千語30歲放閃曬富二代男友 施伯雄鬼馬出Post：我有事要宣布

吳千語（Karena）2018年與「百億富三代 」施伯雄（Brian）拍拖，近年二人不再將戀情低調處理，越愛越高調，不時公開合照放閃，更屢傳婚訊。日前係吳千語嘅30歲生日，佢同男友都Post出同一張合照放閃，唔少網民都大讚佢哋係金童玉女！

同場加映： 羅密歐與祝英台丨鄺潔楹善忘悲傷喊戲搵人求教 望突破限制做「細細粒」女主角

{{hket:ul-video id="9463"}}{{/hket:ul-video}}

吳千語post出自己連日慶祝生日嘅相，留言：「30而已。」又表示「too much cake this week（呢個星期食太多蛋糕）」，萬千寵愛嘅佢同一班好姊妹慶祝，又大騷眾人嘅名牌小手袋，一定過咗個好開心嘅lady's night！不過見佢着同一件衫同男友影咗一張合照，估唔到男友連佢嘅姊妹派對都出席，非常有愛呀！相中佢同施伯雄雙手捧住蛋糕，二人相視而笑，笑容仲好一致，燦爛到不得了。

{{hket:inline-image name="1.JPG"}}{{/hket:inline-image}}

而施伯雄就一早有鋪排，幾日前已經喺自己嘅微博出post表示：「我有件事要宣布。」唔少網民都畀佢搞到非常心癢，紛紛估佢係咪宣布已經同千語bb拉埋天窗，仲有猜測佢哋即將做人父母。不過喺千語生日過咗兩日之後，佢就再鬼馬留言：「…宣布10/27 是她生日，祝你生日快樂！」唔少等咗好耐嘅網民都大失所望，留言：「這麼好的大日子，不求個婚嘛」、「你賠我精神損失費……期待了兩天」、「不是結婚，差評」。

其實近日吳千語與男友首度一起參加內地真人騷《愛的修學旅行》時，已經被發現二人嘅無名指上齊齊戴上戒指，當時已有唔少人猜測佢哋已經拉埋天窗，不過就冇正式宣布過婚訊。又有內地網民喺社交平台post出同千語合照，相中吳千語一淡妝加鬆身連身裙配平底鞋，當時被指孕味濃，惹起大肚疑雲。

圖片來源：Instagram