林子博罕獻聲悼念離世3年太太 分享亡妻靚相：約定千年後再遇

52歲林子博2003年與董燕君（Shirley）結婚，先後誕下一對子女林詠渝及林卓楠，一家四口相當幸福，惜Shirley於2019年確診患上平滑肌肉瘤，經過一年半的抗癌歷程終在2020年離世。

同場加映： 中年好聲音丨車婉婉亡母情緒鬱結致失聲陷低潮 順逆好壞拼湊成冠冕：無悔無怨

{{hket:ul-video id="9363"}}{{/hket:ul-video}}

Shirley離世三年，林子博至今仍非常思念亡妻，日前佢POST出一條為亡妻製作嘅短片，片中有Shirley生前同一家人喺「開電視」亮相片段，當中講到一家人最緊要齊整，子博講嘅時後悲從中來，令人心酸。為訴說自己思念之情，影片配上唔少Shirley嘅靚相，以及林子博自己唱嘅原創歌曲《枕邊》，歌詞如下：

如今枕邊的你我已找不到

幾多次看你甜睡的臉 幾多次陪伴長夜失眠

共你度過多少風景變遷

床的一邊如今消失了你的溫暖 剩我面對漸遠的光線

幾多次無力地在感嘆 幾多個流淚着的夜晚

嘗盡患難時光一去不返

麻木地面對生活重新每個習慣 卻總想起你看着我的眼

如今枕邊的你我已找不到

而時日像每天也是虛耗

沉重沒半點安慰 繁忙無聊的交際 在耳邊細訴但你已聽不到

如今只我得我向世界宣布 陪伴着你的我是多自豪

脫去痛苦枷鎖 忘掉時空交錯 約定千年後枕邊再遇到

林子博於老婆Shirley離世後10個月帶同一對仔女移民英國重過新生活。子博月前返港度假，由一名男親友陪同下到靈灰龕位拜祭亡妻，而呢次係佢首次拜亡妻：「見到佢個靈灰位覺得好慚愧，要去贖罪，因為當日太太未入土為安，我經已唔喺香港，太太上位事只能交由大舅處理，呢個係我最解唔開嘅心結，兩年嚟個心一直唔舒服。」

{{hket:inline-image name="204.JPG"}}{{/hket:inline-image}}

子博解釋當時未知幾時排到靈灰位，香港屋企租約又期滿，加上要配合卓楠(孺仔)在英國的開學時間：「過去兩年仲未好習慣當地生活，但我唔捨得掉低佢哋喺英國讀書，佢哋經已冇咗媽媽，唔可以冇埋老竇，只能辛苦啲去適應，所以佢哋大學畢業前，我仲未向太太交代得到，唯一安慰係太太同佢媽媽『住』得好近，可以互相照應。」

目前子博主力經營自家YouTube頻道《子博在英國》，收入僅夠交水電煤：子博強調英國使費唔大，只係能源費貴，買餸煮飯平過香港，所以唔難生活，即使𠵱家租住曼城郊區5房、有車房及超大型花園配套的半獨立屋只需萬多港元租金，並非所指的愈住愈豪。

圖片來源：YouTube截圖