So Ching教跳舞充滿活力重展笑顏 林子博囡囡回港 兩年後再上堂

男團MIRROR演唱會墮屏事故至今發生將近1年，受傷舞蹈員李啟言（阿Mo）仍然留院接受治療，而Mo爸李盛林牧師每周發代禱信交代兒子情况，其女友蘇芷晴（So Ching）喺5月10日退出女團COLLAR，稱創傷一直無法療癒。外界非常關心So Ching情緒，佢現時全身投入教舞，6月尾排舞室上首露笑顏，唔少粉絲都表示會繼續支持佢做任何工作。

同場加映：

譚偉權拍劇角色被定型決意離巢 中年無阻續夢感激太太無限支持

{{hket:ul-video id="8748"}}{{/hket:ul-video}}

So Ching退出COLLAR後回到開班教跳舞工作，日前同幾位朋友去到澳門開班，喺教室內拍低咗幾條片放到社交平台分享。片中So Ching一開始跳舞就非常忘我同專業，散發自信光芒，極有魅力，完成該舞蹈時佢罕有展現昔日招牌可愛笑容！

{{hket:inline-image name="8.JPG"}}{{/hket:inline-image}}

So Ching喺「造星」期間係樂天少女，自從意外後明顯終日鬱鬱不歡，唔少fans見到佢嘅自在都感到安慰，留言：「見到你笑實在太好。」、「只要So Ching覺得開心，佢做咩都會支持」、「我唔識得跳舞，好欣賞你，柔軟度好高，剛柔並重，作為觀眾嘅我睇得好舒服，賞心悅目」；林子博囡囡都係「習舞」之人，移民英國之前都有向So Ching取經，而佢早前暑假回港再報對方嘅跳舞班，相隔兩年後再上堂。

另外，So Ching曾講過愛貓陪佢走過唔開心嘅日子，日前佢post早前為貓貓LimLim慶祝3歲生日嘅相片。今年1月中，So Ching喺社交平台貼出愛貓照片，憑貓寄意：「我們不能失去希望，還在等待。」希望貓貓可以繼續為媽媽打氣，同佢捱過難捱嘅日子。

撰文︰娛樂組

圖片來源：Instagram