吳浩康老婆火力全開爆「夜會」真相 郭思琳怒斥「女兄弟」鍾達茵：唔識避忌？

郭思琳日前才為影全家福問題公審老公吳浩康，近日又因呷醋吳浩康女友人、歌手鍾達茵（Pam）公然對吳浩康說「掛住你」而發怒。郭思琳對於外界質疑她因一句「掛住你」而醋意爆發，今日（17日）再於IG發文回應事件。

同場加映： 4拍4家族│謝安琪捱凍吹奏家庭溫暖樂曲 Anna向前輩取經學做堅毅獨立歌手

{{hket:ul-video id="9337"}}{{/hket:ul-video}}

鍾達茵連日不停暗寸郭思琳小器，鍾達茵友人又於郭思琳社交平台「幫口」，引得郭思琳都要再發聲。佢表示本身諗住由事件淡化，但都係忍唔到火力全開，佢表示重點並唔係鍾達茵一句「掛住你」：「呢一句唔係重點，只係令人哋老婆覺得佢對人哋老公發緊姣啫！激嬲人哋老婆個位…係老公直播後失蹤，無通知下同個女嘉賓敍舊，而人哋老婆（郭思琳）打畀個老公（吳浩康）對佢哋夜媽媽敍舊表示唔鍾意，當時女嘉賓都喺隔籬聽住，而人哋老公亦都表示即刻返屋企，但係到凌晨三點都未返。人哋老婆直接打視頻去搵人哋老公，發現佢哋根本唔喺公司。點解明知阿嫂唔鍾意佢哋孤男寡女敘舊，都無視人哋感受帶人哋老公去自己間餐廳繼續暢飲呢？會唔會有失尊重呢 ？既然講得係識咗十幾年嘅「兄弟」，明知阿嫂唔鍾意係咪都會識講下次先飲叫個朋友返屋企先呀？唔識避忌都應該要識避嫌吖！」

{{hket:inline-image name="380423284_18387877948028027_7685242801571388357_n.jpg"}}{{/hket:inline-image}}

郭思琳又指唔少人留言話佢中傷鍾達茵，所以post story一次解釋，又強調自己對吳浩康有信心：「多謝鍾小姐嘅朋友啦，講白少少等大家無誤會呀！唔好以為對住人夫講句 「掛住你」就可以令我嬲到咁。我唔會㗎……我對我老公不嬲都有信心㗎！係鍾小姐唔識做人，對我嘅無視同不尊重先令我咁嬲咋！大家唔該唔好錯重點喇！」佢又寸鍾達茵博見報，唔好再要佢回應阻佢湊仔時間。

吳浩康去年才跟郭思琳雙喜臨門，豈料結婚一年多已傳出婚變。郭思琳早前曾為影全家福問題公審老公吳浩康，之後再公審吳浩康同女友人歌手鍾達茵（Pam）開直播時氣氛曖昧。吳浩康與女歌手兼ViuTV節目《Chill Club》和音鍾達茵在Facebook直播唱歌，期間吳浩康離場如廁，鍾達茵就講：「你真係要慢慢去，因為我會掛住你，擔心你...」郭思琳嬲爆留言：「作為一個人妻，有人同我老公講埋啲咁嘅嘢，仲要開完live凌晨孤男寡女去間無人嘅餐廳敘舊，不如大家估吓我會有啲咩感受吖？」鍾達茵之後post出同雷有輝片段寸郭思琳：「唔知Pat哥（雷有輝）老婆會唔會公審我？」

圖片來源：Instagram