泰友情緣的歲月︳甄志強談當年戀名媛被嘲二打六 揭收入平反：交稅都近20萬

前亞視小生甄志強近年一度回歸幕前，繼早前客串《詭探》及《PTU機動部隊》，舞台劇《難兄難弟》又身兼監製、編劇及演員演出，今年3月飛到泰國演出慈善舞台劇《豪門瘋暴》，為其粉絲帶來不少驚喜。甄志強這日接受《泰友情緣的歲月》主持人楊紹鴻訪問，大談昔日合作劇集的點滴之餘，少不免提到他當年跟名媛趙金卿的一段情，曾受到外間不少抨擊。

同場加映：4拍4家族│謝安琪捱凍吹奏家庭溫暖樂曲 Anna向前輩取經學做堅毅獨立歌手

{{hket:ul-video id="9337"}}{{/hket:ul-video}}

{{hket:inline-image name="10132006.jpg"}}{{/hket:inline-image}}

{{hket:inline-image name="19990510.jpg"}}{{/hket:inline-image}}

甄志強於1994年楊紹鴻監製的《碧血青天楊家將》及《碧血青天珍珠旗》內飾演展昭，由於何家勁憑此劇爆紅，可謂珠玉在前，被人拿來比較及承受不少壓力。甄志強表示：「冇諗過要做得好過邊個，何家勁真係做得好好，咁喺佢做得咁好情況下，突然間被委以重任，開心之餘又好大、好大壓力，有壓力係因為人哋已經做得咁好…，後尾係唔諗應該要做得比人好，係要將劇本要我做嘅嘢做到出嚟，一來令自己冇咁壓力，二來真係要好用心做好呢個角色。」

泰友情緣的歲月︳羅清浩憶亞視唔續約轉行做速遞 重提被驚傳死訊：又覺得冇咩嘢【下一頁】

提到拍攝期間有些緋聞爆出，所指是他跟名媛趙金卿的一段情，甄志強表示：「我唔覺得係緋聞，係某啲報道令到人可能覺得係緋聞，但站喺我立場，我拍拖有咩問題呢？只不過係有啲人夾硬去寫一啲橋段出嚟。（個心好唔舒服？）係好唔舒服！（畀人話黐名媛同食軟飯？）好多人都咁講，嗰段時間係好唔開心，同亞視仲有合約，聽聞我嘅人工喺亞視唔低，唔怕講當年交嘅稅項都接近20萬，淨係亞視份糧都未計其他。當然對方係一個有知名度嘅人，外間有啲人鍾意用錢去衡量高低，既然我哋拍拖唔關其他人嘅事，因為當時我仲好年青，唔知道出嚟傷害性係好得人驚，做到展昭都被人叫『二打六』，咁都冇辦法呢，即係何家勁都係？佢哋係咪將一啲嘢夾硬扭曲嚟講呢？我真係唔係『二打六』喎，觀眾覺得做展昭算唔算係『二打六』？」

泰友情緣的歲月︳亞視視帝林韋辰爆曾交稅幾十萬 談行內辛酸：3日3夜冇得瞓【下一頁】

至於戀情是否無疾而終？他說：「係，因為好大壓力，站喺佢嘅社交圈子裏面，佢真係會遇到好多商界嘅人，出嚟做生意有好多畀面派對，最初第一次去啲社交場合，佢叫咗好耐我就一路都唔想去，但係有次某種情況激嬲咗我，我就一鼓作氣就去，於是乎啲人就開始報道。當然無疾而終係壓力太大，叫做年青嘅時候，每個人都想尋求轟轟烈烈嘅愛情，結果真係轟烈，哈哈！」

（↓點擊放大睇圖片↓）

甄志強近年也有客串劇集，他坦言有想過繼續再拍戲，「但係睇機遇啦，叫我去𢲷撈我又做唔出。如果朋友叫到會幫手，上次培哥（導演何澍培）就叫我幫手拍《PTU機動部隊》，我又唔會話畀人聽而家要退出娛樂圈，退出唔再拍劇，又唔係強迫性要自己做啲咩！」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組