林韋辰先後效力TVB及亞視，於1997年憑《再見艷陽天》方賀文一角，榮升亞視視帝。阿辰近年主攻內地帶貨市場，成績相當不錯，在抖音已有過百萬粉絲，7月更請來好友吳啟華、郭政鴻、甄志強、尹揚明及姚樂怡等，慶祝他的62歲生日。這日阿辰接受《泰友情緣的歲月》主持人楊紹鴻訪問，分享入行經歷及一些鏡頭後的故事。
同場加映：萬能綠葉王丨楊證樺大小角色照博盡深受監製喜愛 望與太太沈可欣攜手演到終老
林韋辰未入行前是「搖搖大王」，幫公司四處出外做推廣，後來透過兄長關係推薦給林馮美基，於86年報讀TVB藝訓班，笑言從此開始他的「坎坷」演藝生涯。他說：「講真，真係『坎』呀，而家係叫唔錯，但係邊個知錯唔錯呢？好多人唔知我哋呢行嘅辛酸，好多我啲同學仍然係做緊嘅，你都嗌唔出佢個名，或者做過咩戲，都冇一個咁樣定位，捱咗十幾廿年都係有呢啲人，到最後時候啲青春花晒喺呢行度，又跑唔出一啲成績嘅時候，大唔大鑊？（做咗幾十年轉行都唔知做咩）係呀！你哋做管理都仲可以，但我哋做藝人嘅，你叫佢轉行做咩？最多轉行就係揸的士，有啲學識就做保險，所以後來有一個演藝人協會，我都有入去協會辦事，去籌款幫助我哋年紀大咗嘅藝人，或者冇人照顧又冇乜積蓄嘅藝人。」
泰友情緣的歲月︳韓馬利獲老公用泰文示愛勁冧 杜燕歌稱年紀大：工作忌操勞【下一頁】
提到昔日電視台通告夜接早，阿辰就話：「呢頭收2點，嗰頭就叫我6點鐘返嚟，其實冇瞓過覺，落完個妝返屋企都未瞓得著，又要起番身返工，咁我哋唔係鐵打，其實我睇咗好多地方，包括而家國內都唔會咁樣。（好唔明當年電視台制度係咁）你要畀演員有個狀態，唔好講個樣係點嘞，我冇狀態又點演呢？記得同張衞健拍《我愛牙擦蘇》（1992年），係拍爛門都摷唔醒佢，因為連續3、4晚通宵，點起（身）吖！真係起唔到，好似搵幾個人剷起佢上車，佢就一路瞓住出去，周不時見到呢啲情況。」
泰友情緣的歲月︳楊玉梅坐擁十幾間食店唔認富婆 憶當護士遇鹹濕佬面前除褲【下一頁】
阿辰最高紀錄是3日3夜直踩開工，「大家唔會睇到鏡頭後嘅嘢，我就試過3日3夜冇瞓覺，導演其實唔想放我走，又係成本問題趕得好犀利，劇組話呢個鏡頭冇你，叫我入去唞吓，一坐低喺度就瞓著咗，冇耐有人叫埋位，一出到去啲人問我做咩成面血，因為瞓著後有好多蚊咬，我就拍吓一隻又一隻，於是拍到成面血，成塊面又腫晒，佢哋先叫我收工，可以返屋企瞓一瞓。」
（↓點擊放大睇圖片↓）
- {{hket:inline-image name="Image07.jpeg"}}{{/hket:inline-image}}
雖然工作上頗辛酸，在亞視效力時可謂名利雙收，97年憑《再見艷陽天》榮升亞視視帝。阿辰說：「好似喺95年年尾，當時係《今日睇真D》最火嘅時候，好忙嘅，多謝阿姐（指余詠珊）肯放人，放人不特止仲冇減薪，嗰時我係包薪，仲要度期畀我拍劇又唔減騷，當時堅係搵好多錢。嗰一年係我嘅豐收，劇集又百幾集，佢又唔會cut我騷，記得嗰一年差唔多290幾個騷。（嗰年交幾錢稅）都幾十萬…第二年好似買樓，要多謝Paul哥（秦沛）叫我買樓，因為同佢拍完《再見艷陽天》後，父子嘅感情昇華咗，佢變咗好似我阿哥咁，一路以嚟到而家都冇斷過聯絡。」
立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】
撰文：娛樂組
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】