泰友情緣的歲月︳葉振棠與紅館無緣入紙8次唔批 擬找米雪梁小龍合唱出碟

79歲殿堂級歌手葉振棠擁有無數經典金曲，包括《戲劇人生》、《大內群英》、《太極張三豐》、《找不著藉口》、《大俠霍元甲》及《忘盡心中情》等，只要前奏音樂一響起，不少樂迷便懂得跟住唱。雖然在樂壇份量十足，棠哥總是同紅館無緣，未能踏上這個舞台開個唱，這次他接受《泰友情緣的歲月》主持人兼老友楊紹鴻訪問，不禁重提這件憾事。

同場加映：黑妹韋綺姍薪火相傳率學生演出 吉吉啟豪深明癌症之苦義唱助人

{{hket:ul-video id="9259"}}{{/hket:ul-video}}

{{hket:inline-image name="09291004.jpg"}}{{/hket:inline-image}}

{{hket:inline-image name="09293001.jpg"}}{{/hket:inline-image}}

棠哥表示：「喺香港攞場館檔期好麻煩，好頭痛，唔係你話想要就有，唔係你有錢就有得做。我舉個例嚟講，好多公司想做《雙葉演唱會》（即葉振棠、葉麗儀），我喺紅館申請咗8次…唔畀你，（點解呢）冇解釋，冇原因，佢就係唔畀你，而且仲要唔係公司仔申請，係大公司！（文化中心又批畀玩票性質人士）我都唔係好明，通常我哋做演唱會嘅期喺weekday，永遠唔會畀weekend！」

泰友情緣的歲月︳羅清浩憶亞視唔續約轉行做速遞 重提被驚傳死訊：又覺得冇咩嘢【下一頁】

至於未來會否再做新歌？棠哥話：「我諗係要碰機會，咁啱有咁嘅機會一定會。」楊紹鴻提到早兩年有個新構思，將主唱的電視劇主題曲，跟劇集的主角重新演繹一次，即是《大內群英》就同米雪合唱，《大俠霍元甲》跟梁小龍合唱，來個經典聯乘合作。棠哥表示：「記得，梗係好啦，呢個真係一個好新嘅Idea，未試過。（考慮吓）好呀，好呀！」

（↓點擊圖片放大↓）

提到疫情減退後勁忙，棠哥指過去3年做不到的工作，要2個月內完成，「未試過喺美加要做12場登台，會係好辛苦，不過睇吓自己仲可唔可以應付，有6、7場係每日連續走一個埠。2020年嗰陣爭美國3場騷，因為收咗訂而家要還，咁就問佢哋可唔可以串多幾場，過嚟順便唱埋，點知一串就串咗12場，呢啲真係好意外。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組