泰友情緣的歲月︳李龍基讚細36年女友無微不至 當年拍《鍾無艷》唔敢錫Do姐

72歲李龍基這日接受《泰友情緣的歲月》主持人楊紹鴻訪問，分享同比自己年輕36歲的另一半王青霞（Chris）的相處點滴之餘，更談到早年在劇集《鍾無艷》內飾演齊宣王，跟貴為TVB當家花旦的鄭裕玲拍攝時趣事。

同場加映：寵愛Pet Pet丨阮政峰為冬甩配音衝破事業樽頸 唔急上位最重要學習：恰如其分

{{hket:ul-video id="8977"}}{{/hket:ul-video}}

{{hket:inline-image name="08213001.jpg"}}{{/hket:inline-image}}

{{hket:inline-image name="2rvWWa_C-2XlS6fll2iLsdefmy6yUMnqQPoclUD6HJU_600.jpg"}}{{/hket:inline-image}}

有TVB「御用皇帝」之稱的李龍基已有計劃今年同女友王青霞結婚，主持人楊紹鴻訪問期間亦有恭喜他。至於為何決定結婚？李龍基表示：「真係要畀個交代佢嘅，仲有畀個交代佢父母嘅，係開心事嚟；況且我覺得呢個女子唔錯，各方面對我又好，真係可以講無微不至。」提到當日疫情嚴重期間，李龍基全靠另一半照顧日常生活，「門口都唔出，嗰段時間主要拍劇，中招就做唔到嘢，又累咗成組人，所以冇嘢做就幾個月唔出街，好在樓下有間便利店，有乜嘢就落去買，甚至乎使我老婆落去買，唔使我自己落去。」

數你條命│72歲李龍基有心有力恨再做老竇 追問玄學家運程今年會有……【下一頁】

歌手出身的李龍基入行40多年，一直也有拍戲，「TVB邀請我入去做《EYT》嘅歌手，每一個月就上去1、2次，每次唱兩隻歌，嗰時佢哋感覺《EYT》收視跌，高層諗點樣支持收視率，不如播一個15分鐘嘅短片，但係要好有睇頭，後尾就開拍《鍾無艷》，鄭裕玲同陳秀珠係嗰時鎮台之寶，跟住橫觀TVB冇邊個似皇帝，覺得《EYT》李龍基個名都幾似…於是就試吓搵我做皇帝，點知拍完之後，跟住TVB所有皇帝角色都搵我。」

（↓點擊放大睇圖片↓）

正所謂拍開有條路，不少監製指名演出，「我試過同一個時間孭住5套劇，2次有60幾個鐘頭未瞓過，未返過屋企，通告由朝頭06到30，命都冇咁剩。（當日一鳴驚人？）可能真係天時地利人和，因為齊宣王係個戇居居嘅皇帝，懵吓懵吓乜都唔識，咁啱晒我又唔識拍戲，同樣懵吓懵吓。（角色戇居兼鹹濕？）好得意，有場戲講我同DoDo（鄭裕玲）啱瞓醒咗，劇本講皇帝瞓醒錫咗鍾無艷一啖，但嗰時我好驚，大佬，佢係超級巨星叫我錫佢，唔敢啦，但DoDo就叫錫落嚟、錫落嚟…所以證明我唔鹹濕。」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】