到會中伏｜$3580生日會到會層層疊全壓扁漏汁 港媽要求全額退款店方反應惹批評

舉辦派對或生日會很多時都會叫到會，不過近日一名港媽發文訴說，最近為子女舉辦生日會花費3,580元訂購到會，對方為方便送貨，竟將食物「層層疊」疊成8層，以致錫紙盤和食物均被壓扁、醬汁流出，而她要求全額退款時，對方卻以一原因拒絕，惹起網民熱議。

同場加映：
管家王｜白色衫染色沾豉油咖啡漬有冇得救？ 實測4種方法2小時去漬

{{hket:ul-video id="9310"}}{{/hket:ul-video}}

食用安全｜網購40隻大閘蟹中伏，蟹肉發臭多死蟹，店方兩處理手法惹眾怒｜附食大閘蟹6大禁忌，詳情即睇：【下一頁】

該名女網民本周一（9日）在Facebook群組「飲食黑店大全」中發帖，表示當天為子女舉辦生日會，事前透過派對房間場地合作的一間到會公司訂購餐點，費用為3,580元。

然而當食物送達時，事主發現盛載冷盤食物的錫紙盤被壓至變形，食物亦「壓到扁晒」。當她打開裝有熱食的紙箱時，發現16盒食物被「層層疊」疊成8層放在裡面，錫紙盤均被壓至變形，醬汁經紙皮流到其他食物，

「一開恐怖到震驚我三觀，未見過到會食物送到會離譜成咁！」

派對房間職員隨即聯絡到會公司負責人，對方卻指「見到右邊熱食嗰幾盤仲食得」，著他們繼續享用，令事主深感無言，「大佬呀，我哋一班小朋友生日會，食完有咩事，佢孭唔孭得起呀？」她指所有人最後沒有食用任何食物，她要求到會公司負責人全額退款，對方卻明言只會退還涉及熱食的1,900多元款項，認為「凍盤壓扁都仲食得」。

↓ 點 擊 圖 片 放 大 ↓

生日會被毀於一旦

事主怒斥涉事公司為「黑店」，未有妥善包裝和放置食物，態度反而理直氣壯，令她深感不忿，批評對方十分無恥，質疑他們並非首次被顧客投訴，「仲要毫無悔意，一啲對消費者基本嘅歉意都冇，仲想賠少啲，叫我照食！冇天理！」她也對生日會參加者感到抱歉，「冇嘢食招待，精心策劃嘅生日會畀佢哋毀於一旦」，

「成個生日party就係因為個到會搞成咁，成為一個敗筆！有朋友同我講話小朋友肚餓，問我有咩食？嗰吓我都想問番XXX（到會公司）你知唔知你破壞緊一個小朋友嘅生日會，破壞咗爸爸、媽媽對生日會嘅安排！」

由於與涉事公司協商失敗，事主決定在社交平台公開事件，涉事公司則指行為令其聲譽受損，故拒絕退款。她稱已向電視台節目報料，並呼籲網民不要光顧。

網民：疊咁多層想唔扁都難

不少網民看到帖文後，均批評該到會公司做法離譜，亦有人指已非首次發生：「完整嗰幾盒，賣相的確幾靚，真係唔明會咁樣擺，嘥哂自己心機同食物」、「疊咁多層想唔扁都難」、「好離譜，將啲食物搞成咁仲叫人食，簡直係侮辱」、「啲紙皮最污糟，流晒落下一盤仲夠膽死叫人食，咁無良嘅公司，製作過程都唔慌乾淨得去邊，食到啲小朋友有事都唔知點算」、「咁多盒放一個紙箱，有腦都唔會咁做」、「呢間嘢衰咗好多次」、「呢啲舖做衰咗，咪改過個名再呃人，都係冇得防」。

食用安全｜港女尖沙咀外賣14杯茶飲中伏，一杯最貴$75全變質發酸，負責人自爆壞雪櫃一原因拒認錯，詳情即睇：【下一頁】

立刻加入《晴報》WhatsApp頻道，獲取最新娛樂、健康及著數資訊，仲有送禮活動！

【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】