Lucy李元元頭撞餐櫃額頭腫起現血痕 李璨琛怒睥老婆仲掛住笑

李璨琛（Sam）的寶貝女李元元（Lucy）日前八號風球之下，在屋企發生家居意外，頭部直接撞向實木餐櫃，額頭即時腫起兼有明顯傷痕。身為媽咪的梁志瑩（Sophia）事後在IG分享此事，自爆當時掛住笑Lucy撞凹個櫃，有一刻激嬲了老公之餘，留言亦未有半句關心，結果惹來不少網友評論。

同場加映：

中島美嘉愛與4貓傾訴減壓療癒 多變形象喜能體驗Drag Queen文化

{{hket:ul-video id="9321"}}{{/hket:ul-video}}

{{hket:inline-image name="anjattnetho_387561778_1096714838379849_572163698243421865_n.jpg"}}{{/hket:inline-image}}

{{hket:inline-image name="anjattnetho_390326943_1396557854612838_6932793755544591718_n.jpg"}}{{/hket:inline-image}}

Sophia這次上載了9張相，其中一張是Sam怒睥鏡頭，疑似用冰墊幫Lucy鎮痛消腫；其他相則見到Lucy額頭腫起一大嚿，及有條成吋有多的血痕。Sophia留言話：「小犬8號風球當日，李元元喺屋企上演一幕衝力射頭，成個人飛彈埋個名貴實木餐邊櫃，頭殼經過測試夠堅硬竟然畀佢撞凹咗個櫃。 #我老公同我講佢撞凹咗個櫃我當佢講笑 #然後佢好認真咁同我講佢認真 #iwaslike #未睇個女傷勢實在係忍唔住笑到震住出廳看個究竟 #feel到我老公好似係有一刻嬲我仲喺度笑 #我知道我唔應該笑 #但心裡不停諗我個女個頭真係有咁硬竟然可以撞凹個櫃 #個鐵頭冇爆其實真係好好彩 #李元元出年東華表演一定要預埋你 #衝力射頭 #貼塊膠布佢即刻覺得自己係冇事嘅」。

Lucy李元元見李璨琛被「打」霸氣叫停 心痛爸爸爆喊勁窩心乖女冇白養【下一頁】

不過部分網友對於Sophia這段留言有點不滿，表示：「唔係講笑，撞到幾傷吓，撞到表面額頭其實入面係蝶骨，會影響計數能力、視力。lulu隻左眼已有變化，兩眼球不平衡，你要小心留意之後康後情況有否好轉。希望lulu快啲康復」、「咪係囉！做人老母個女撞到咁傷，差少少眼鼻都撞到破相，仲句句喺到笑，仲話做好角色？內傷有幾嚴重你都未知」、「真係好頂唔順，唔知點解有老母會笑得出。撞傷個女冇得搖錢㗎啦」及「好腫呀，遲啲瘀傷可能會散落眼圈，百變狸貓咁㗎，要畀多啲耐性同佢散清瘀血，唔係積係入面大個咗有手尾㗎！話時話，李老豆啤得你啱嘅，笑笑笑，抦得少」等。

李璨琛扮大女紮紮跳大鬧商場 Lucy泳裝脹卜卜肚腩仔超可愛【下一頁】

其他人亦溫馨提示要小心處理及送上慰問說話：「要帶佢睇睇醫生喔！會否留疤痕？媽咪，你喺心入面有疑惑好喇，公開講笑會畀人有位入你做唔好媽咪角色，仲笑個女㗎。希望囡囡唔好破相快快好番」、「李老豆嬲X咗，Lulu額頭成個腫起咗，傷口記得小心唔好畀佢發炎，避開太陽如果唔係會有印㗎，Get well soon」及「好彩無爆開，如果唔係要縫針就唔靚女㗎喇。個櫃都凹證明真係撞得好應，阿媽心臟強大，仲笑得出係好事！Get well soon」等。

（↓點擊放大睇圖片↓）

Sophia其後亦有上載Lucy相再報平安：「呢個得戚樣其實都係撞頭當晚，大家唔使太擔心同緊張，今日已經係事發第四日，佢冇『鬥雞』佢冇嘔佢有瀨屎。突然諗起其實我細個成日都仆親仆到起晒樓，唔知係細個肥得滯論盡定點，跌得多，直頭唔喊就起番身，我老母就好施施然咁話吓又跌親呀？然後好若無其事咁叫家姐烚隻蛋畀我自己碌雞蛋。係我自己幫自己碌雞蛋，而家諗番都覺得自己幾型幾硬淨。#講咁多嘢其實係想讚自己」。

Sophia今日亦幫Lucy拍片，證明女兒冇事又精靈，片中見到Lucy額頭以消腫，傷口仍見淡淡痕跡，Lucy更開心跳扭Pat Pat舞步。Sophia表示：「多謝各界好友嘅關心，條友仔真係冇事，你哋睇吓覺得佢有冇事？ #個樣煩到」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組

圖片：Lucy Instagram