柳俊江疑與女友分手搬出愛巢 突然不再放閃Grace狂甫誘惑獨照

前無綫主播大鼻子情聖柳俊江3年前同前妻雷康怡（Florence）離婚，前年戀上運動員經理人Grace Mak，同之前一樣都係不時喺網上放閃，不過今年年中開始柳俊江社交平台淨係講工作，仲搬出愛巢，二人疑似手已分。

同場加映： 你好，我的大夫丨何廣沛一帆風順背後獨自承受壓力 公開戀情收祝福 望平衡事業與生活

{{hket:ul-video id="9311"}}{{/hket:ul-video}}

柳俊江日前post出相片為家電賣廣告，指自己已經搬咗去新地方，而相中嘅地點唔再係之前成日同女友放閃嘅住宅大廈，而係已經搬咗去村屋。Grace Mak上年先搬到現時住處，當時二人不時post出喺家中嘅相片，背景都見到係同一地方。另外，翻腸二人社交平台，柳俊江雖然仍有follow女方，仲喺佢嘅新post畀like，不過女方已經單方面unfollow咗佢，睇怕都此情不再！

{{hket:inline-image name="339653137_184624487255319_4594535987666348094_n.jpg"}}{{/hket:inline-image}}

柳俊江喺二人拍拖初昤不時大放閃光彈，似足中學生第一次拍拖，極之肉麻露骨，佢仲大爆原來起初是女追男，Grace Mak向柳俊江主動出擊，令原本對愛情已經封鎖了心的他都有所動搖，佢曾帖文：「『如果我要生孩子，你願意給我精子嗎？』初次促膝詳談，她開出來的認真話，帶點挑逗，卻更具挑戰，這就是萌生好奇的最初，我從來沒有遇過這樣直率的女孩。外在固然吸引，但說愛當然太早，直率的女孩，性格也外露。很喜歡喝酒的女生，一定不是我杯茶，偏偏，她由始至終強調好酒如命。陪她喝酒，真是玩命。醉後有過喜怒哀樂，有時會鬧得天翻地覆，不過，對於已經把心封閉起來的我，其實是難得誠實的時分。要愛就愛，要恨就恨，分分明明，毫無轉彎抹角，這樣的女人，你能不愛嗎？」

Grace Mak現時都只係post出一啲性感自拍照同去公開活動嘅相，生活依然精彩。唔知係咪係恩愛得高調，愈容易分手，柳俊江上一段婚姻同樣經常放閃，予人愛妻顧家的好男人形象，與太太Instagram不時放出恩愛合照或溫馨家庭照，更不時公開愛情保鮮心得。

然而柳俊江同育有一子一女嘅前妻2010年結婚，可惜最終未能走到最後。2020年9月，柳俊江因當時已分居的妻子雷康怡與一名男士發生口角兼動手毆打，兩人均有受傷。柳俊江其後被被控以一項「襲擊致造成實際身體傷害」罪，最後柳俊江獲控方撤銷控罪，獲准自簽守行為1年。

圖片來源：Instagram