西貢隱世童夢雪糕店

踏入初秋，吃一些甜點潤一潤，心情也會更愉快；特別是情侶拍拖，一杯落足5球Movenpick雪糕的甜品，二人同食，愛意甜膩到濃得化不開，共譜一段浪漫的秋日戀曲。

西貢海鮮街附近新開一間隱蔽雪糕店，主打Chill Cup雪糕杯，款款造型Fancy之外，最吸引是每杯毫不吝嗇落足5球Movenpick雪糕，再飾以各種色彩繽紛的Toppings，唔好話小朋友，大人見到都想食。

小店由年輕媽媽Jennifer主理，深明小朋友的需要，於是將小朋友喜愛的元素融合一起。首推是小女孩見到實冧冧豬的粉紅色調呍呢嗱士多啤梨杯，放有Movenpick最為經典的士多啤梨雪糕和呍呢嗱雪糕，配以粟米脆片、士多啤梨果肉、棉花糖、士多啤梨蝴蝶結曲奇和德國蝴蝶脆餅，少女感十足。

配料選擇夠豐富

當然也不乏為大朋友而設的抹茶意式奶凍雪糕杯，雪糕上有滿滿的紅豆、麻糬粒粒、綠茶曲奇，甜而不膩，抹茶控要試。

配料超過15款，包括爆爆珠、多款水果肉、脆脆餅、德國蝴蝶脆餅、爆炸糖、德國熊仔糖、棉花糖、曲奇、Oreo餅碎等。其他靚靚Chill Cup雪糕杯仲有果味十足的荔枝青檸檸檬口味、人見人愛的曲奇朱古力口味，也少不了港人最愛的芒果熱情果口味。

Chill Chill@449

地 址︰西貢西貢大街21號地舖

營業時間︰星期一至四12nn - 6pm、星期五至日11am - 7pm

美術︰梁政敏