茶果嶺海濱公園「酷玩3-4-5」 免費玩3個新興運動 + 攤位遊戲 + 定向打卡位

今個周末（26及27日）發展局和海濱事務委員會聯同渠務署，舉辦茶果嶺海濱公園「酷玩3-4-5」。黛安知道，活動設有新興運動、攤位遊戲和定向打卡位。公園佔地1.8萬平方米，除咗可眺望維港及啟德郵輪碼頭，園景平台更設有休憩及健體設施、兒童遊樂設施等，大家更可帶同繫上牽繩嘅寵物一齊去野餐和做運動。

為咗帶嚟全齡傷健共融海濱新體驗，活動仲請咗專業教練指導參加者試玩3個新興運動，包括芬蘭木棋、健球和足球飛鏢，可【按此】預先喺網上報名參加。

此外，為咗鼓勵大眾探索茶果嶺海濱公園嘅設施及地標，大會仲特設5大定向打卡位，每日首100位完成指定活動，即場內嘅新興運動、攤位遊戲和於定向打卡位打卡，並集齊指定紀念印章者可換領小禮物。

另外，茶果嶺海濱公園與觀塘碼頭旁嘅觀塘行動區「快見成效」項目及翠屏海濱，亦會喺8月底同時開放，並串連起觀塘及茶果嶺，成為總長約1.7公里嘅海濱，大家放假又多一個好去處喇。