誰的辛酸？｜地盤工放飯無換衫鞋 被批成身水泥累清潔工抹櫈 食客公審：想做死阿姐？

粉嶺有食客光顧一間茶餐廳時，不滿3名地盤工人一身水泥灰塵入內用膳，遂拍下他們的照片放上網「公審」，直言他們的行為「想做死（清潔）阿姐？」雖然有網民認為涉事地盤工人自私，亦有網民狠批事主不體諒工人，「大家都係為兩餐......30幾度，地盤大佬涼一陣冷氣，食碟飯都要畀你公審。」

同場加映︰

Sick問識答｜受傷後應冷敷定熱敷？物理治療師拆解傷患復原4步驟

{{hket:ul-video id="8695"}}{{/hket:ul-video}}

從事主在Facebook群組「祥龍圍邨 & 清河邨」上傳的照片可見，當時3名地盤工人正在茶餐廳內用膳，衣服及長靴水鞋也沾有水泥及沙塵。他們離開餐廳後，職員亦特意上前清潔他們的座位。

事主在帖文中指：

「落完石屎，張凳同埋地下都係紅毛泥。下一手坐落去一褲都係，換過條褲，換過對鞋先放飯啦！想做死阿姐？」

網民意見不一：「可唔可以體諒吓」VS「拍乾淨條褲同鞋先入餐廳」

事主質疑地盤工人在茶餐廳用膳的言論，卻引起網民熱議，不少網民直言：「係咪做地盤唔應該堂食」、「你可以叫佢哋抺乾淨，而唔係影人相放上網公審」、「有邊個唔想乾乾淨淨」。

不過，亦有同為建造業工人的網民指，大部分地盤的確設有清潔設施，工友可自行清理灰塵才外出：「我都係泥水佬，一定拍乾淨條褲同鞋，或者換褲、鞋先入餐廳」、「雖然自己都係做地盤，每次都洗乾淨對鞋，我都好憎呢種人，不知所謂」。

對於有網民指工人可於地盤午膳，據勞工署資料顯示，地盤環境存在不少對健康有危害的物質和介質，包括：石綿、有機溶劑、污水渠氣體、塵埃等，長時間接受有機會影響身體，因此在地盤用膳其實存有風險。

U Lifestyle App睇盡《晴報》新聞資訊及自家節目 
↓↓同步更新、更快更順↓↓
【免費下載】

每朝索取《晴報》：精明生活．健康家庭．開心娛樂