何天兒面癱後遺 眨眼遲緩鴛鴦面 好轉9成遇樽頸 分享實用復健動作

2007年港姐旅遊大使獎得主何天兒（前名何傲兒），日前在社交平台自爆患上面癱，嚴重時眼睛不能眨動，連笑的時候嘴角也不能郁動，前後花上3個多月時間，經過中西合壁治療已痊癒。這日何天兒在網上繼續拍片分享，講述自己有甚麼後遺症，及披露一些個人復健動作的小貼士。

同場加映：全民造星V丨Nathan女友離世認曾考慮過退賽 王鋒跟阿澤反目糾紛仍需時間解決

{{hket:ul-video id="8595"}}{{/hket:ul-video}}

{{hket:inline-image name="07061005.jpg"}}{{/hket:inline-image}}

{{hket:inline-image name="07061003.jpg"}}{{/hket:inline-image}}

何天兒在片中透露患病後第一個月，經治療後已好轉達九成，最後一成令她感覺時間很慢長，「我合埋眼到開眼嘅時候會慢咗，呢個問題係我剪片嘅時候發現，見到咁當然唔太開心，唔單只係咁，我右邊嘴角下唇位置，當我完全放鬆時候係跌咗落嚟。就係咁發現咗幾個動作對於我哋嘅面部係特別好，第一就係用經絡筆，喺中醫角度嚟講面癱嘅發生同氣血有好密切關係，氣血運行得唔順暢，經絡就唔會通，當我呢邊嘅嘴跌咗落嚟時候，我即刻攞經絡筆去按番啲穴位，兩邊嘴角即刻對稱番。」

何天兒患面癱匿埋3個月險毀容 病發前4日徵狀浮現：後腦痛楚【下一頁】

除了要按面部的穴位外，何天兒還推介一些簡單復健動作，「係中醫師教我，就係用舌頭喺你口腔裏面打圈，左右來回十次左右，做呢個動作就可以刺激到裏面神經，我而家喺屋企或者戴口罩出街時候都會做。仲有就係用食指頂住下顎，用手指公由下巴嘴角位置，用力推到去耳仔…，面癱期間有出去搵人同我做面部按摩，佢哋係超級大力，按到我係標晒眼水，忍住痛都要繼續按，因為當你有炎症時穴位係塞晒，非常時期係用非常嘅力度。」

之後提到關於眼睛的復健動作，她說：「用3隻手指按住我哋嘅眉頭、眉峰及眉尾，手指唔係就咁放喺條眉就算，係要向上戚一戚佢，跟住用力再合埋隻眼，呢個訓練番上眼皮嘅力，當你隻眼唔識得合埋時候做呢個動作，其實你上眼皮係有少少辛苦，當然都係要keep住做！」

好聚不好散︳盤點四大娛圈情侶肉酸分手 溫兆倫向陳梅馨追討14萬【下一頁】

至於這次患面癱的後遺症，何天兒慶幸這方面並不是肉眼見到，「我長期嘅感覺就係收緊耳仔時候嘅感覺，咁我就會提自己多啲放鬆番頭皮，仲有就係要少捱夜，set一個時間畀自己，假設係10分鐘或半個鐘，我就會上床休息。」

（↓點擊圖片放大↓）

何天兒希望這條短片能夠幫助到大家，她在微博表示：「記得當知道自己得了面癱的時候真的很迷惘，也是在網上看資料，經歷了之後希望這條片能夠幫到有需要的朋友！這次和大家聊聊面癱的治療過程和後遺症，後續還有關於面癱治療的分享，裏面的動作對於面部也特別好，平時也可以多做。」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】