懷舊Feel大牌檔 歎住冷氣嘗鑊氣小炒

去食大牌檔無非為了氣氛，不過日日30多度，不想坐街邊食到成身汗？不如試試灣仔這間新開、位於室內的大牌檔。店內裝修以懷舊大牌檔為主題，裝修呈現昔日舊香港的街道面貌，玩味十足。

新店不同角落可見特色「店舖」，例如大押、粉麵店、快餐店、麻雀館，機舖，甚至魚檔也有，食客有如坐時光機返回八、九十年代的香港街頭。

餐廳由喜記避風塘炒辣蟹前總廚主理，主打的避風塘菜式相當有水準，碟碟分量十足。招牌菜包括脆皮乳鴿、馬拉盞生菜煲、拔絲咕嚕肉、樓上小炒皇以及等避風塘炒蟹等。避風塘炒蟹相當考工夫，只見師傅即時從魚缸撈出1斤半至2斤的越南肉蟹，隻隻生猛新鮮。

必食招牌脆皮乳鴿

師傅先把蟹炸至金黃，再下蒜蓉炸至金黃色後隔起，之後將秘製醬油炒蟹約1分鐘，蒜蓉回鑊炒至乾身脆口，最後加入紅蔥頭即成。當避風塘炒蟹上枱時，蒜香四溢、鑊氣十足，恰恰就是大眾對小炒的要求。

拔絲咕嚕肉也是熱門菜式，只見差不多每枱都點，師傅將豬肉即叫即炸，淋上自家調配的咕嚕糖醋醬汁，咕嚕肉外脆，夾起醬汁還會有「拔絲」的效果，打卡要快，放涼就無拔絲效果了。招牌脆皮乳鴿也是必食菜式，乳鴿用淮鹽醃1小時後，上皮水吊起2小時風乾，最後生炸而成。乳鴿外皮炸得香脆有光澤感，咬開爆汁，叫支大啤配乳鴿，一樂也。餐廳更會提供戰鬥碗讓客人啤一啤，爽呀！