滑嘟嘟海南雞 油飯醬汁添滋味

海南雞飯有種魅力，就連高級酒店都要以它為名物，幾時都受食客歡迎。好味的海南雞飯，萬變不離其宗，就是雞肉要夠爽夠滑；再配上特色油飯及醬汁，一啖嘗盡豐富口感和味道，勁滿足！

平靚正之選 一粥麵

好味的海南雞最重要做到皮爽肉滑，雞味濃郁。一粥麵最近推出去骨海南雞，皮薄爽滑，且雞肉味道濃郁，口感嫩滑，而且已經去骨，一啖一件最方便！醬汁方面當然有提供，蘸上薑蓉、自家製黑豉油及甜辣醬三款特製醬汁，令嫩雞的味道更添層次，特別滋味。

另外，海南雞配油飯是常識吧！所以除了嫩滑軟稔的海南雞，食店特別選用泰國米，加入香茅、雞湯、蒜油、椰汁蒸煮，飯粒分明，香味濃郁又煙韌，粒粒分明，香口但不油膩，值得一試。

人氣過江龍--Chatterbox

1971年就開業的Chatterbox，於新加坡文華大酒店響負盛名，餐廳Chatterbox Café將其帶到香港，新加坡地道風味的招牌菜式，成功在香港打響名堂，食客必點的文華海南雞飯價錢相宜，選用走地雞，貪其肉質結實而且脂肪少，雞味也較濃郁。好味全因做法相當講究，走地雞浸在雞湯中接近一小時再降溫，令雞皮和肉質十分爽滑。

油飯方面，餐廳選用口感軟熟的泰國舊米。另外，製作三款醬汁的過程不加水，味道自然更濃郁，蘸上雞肉時就更惹味。

酒店招牌菜--MO Bar

喜歡吃海南雞飯的一定知道這道菜式是文華酒店的招牌菜，香港最受歡迎的海南雞飯一定數到這個。來到MO Bar，海南雞飯上桌時有齊嫩滑雞件、熱湯、油飯和三款醬汁。酒店質素，當然做到油飯與湯都是熱辣辣，份外美味。想食得矜貴又坐得舒服，定要來朝聖。

變奏高質料理--SẾP

去年11月開業的越南法殖餐廳SẾP，是香港首間具煙熏燒烤料理特色的餐廳，店家近日推出兩款全新午餐（$480起），是坊間少有地道而精緻獨特的越式滋味。

「環遊越南午餐菜單」每位$480，包兩款前菜、主菜、甜品及飲品，特別推介精選主菜當然是會安古城雞飯，選用新鮮三黃雞製作，配上10種配菜包括青瓜、腌洋蔥、芝麻、青芒果等新鮮材料，淋上秘製菠蘿魚露並均勻攪拌後，即變成一道酸甜清新的沙律。

粒粒分明的雞油飯以鮮雞油和雞汁煮成，亦可拌入新鮮雞雜，讓整個菜式味道更昇華，變奏版海南雞飯保留到雞的鮮嫩，同時帶來更濃郁的味道。

撰文及攝影︰Kiki

（部分相片由餐廳提供）