MegaBox家品節暨寵物嘉年華 戶外樂園放電歎美食

今個周末，大家不妨帶埋寵物去MegaBox玩下！黛安收到風，佢哋會喺5月26至6月30日打造全港首個「MegaBox家品節暨寵物嘉年華」，網羅各式各樣家居用品及寵物產品，更推出低至$1起或1折限量貨品，畀顧客一站式搶購毛孩及主人需要嘅物品，例如MORRIS嘅Julia N單座位布藝梳化1折（指定現貨、限售1張）、Simplylife防抓皮面梳化系列半價等。

其中5月26至28日嘅嘉年華仲設有多個寵物互動區，包括將L4及L5嘅戶外位置變身「寵物樂園」，畀毛孩放電之餘，主人亦可以同毛孩睇住靚景歎美食。姊妹話，活動其中一項重點係「尋找毛孩Speed Dating」領養活動，如果睇到合眼緣嘅毛孩，可即場申請將佢帶返屋企。今次合作機構係「拯救遺棄寵物中心」（RCAP），創會目的係幫助被遺棄嘅毛孩獲得重生機會，活動咁有意義，真係值得支持。