TASTE╳FRESH第6間超市開幕 逾1.2萬呎落戶藍灣廣場

TASTE夥拍FRESH新鮮生活開設嘅第6間概念超市「TASTExFRESH新鮮生活」正式開幕，分店選址小西灣藍灣廣場1樓1A舖，面積近12,000呎，呈獻逾1,000款來自本地及世界各地嘅全新產品同新鮮食材，且設咖啡、中式保健等多個特色主題專區，為區內居民提供豐富一站式綜合購物體驗。

黛安聽聞，超市更首設「KxP Mart」韓國專區同美食元宇宙專區，前者提供專員由韓國搜羅嘅多款大熱韓國寵物用品、個人護理用品及生活用品等，一眾「韓粉」喺香港都可輕鬆買到最潮韓貨；後者則滙聚世界各地特色美食，且有香港超市首個虛擬Foodie，為大家提供專業產品推介同優惠資訊。

為咗方便顧客消費，超市亦貼心提供多種購物方案，包括網上訂購即日取貨等，即日起至17日，消費滿$200並回答簡單問題，更可參加Chill好運大轉盤，隨時贏走大獎，千祈唔好錯過喇！