法言人︳金師爺佑家披婚紗預告大團圓？ 林夏薇：呢套劇着得最多婚紗

《法言人》今日（12日）搶先發放「結局婚照」，主角金師爺（馬國明 飾）與佑家（林夏薇飾）、大雄（張頴康 飾）與Hazel（蔣祖曼 飾）、Will（黃嘉樂飾）與Coco（趙璧渝飾），有情人終成眷屬，齊辦「單車婚禮」向「友情歲月」致敬，代表金師爺成功洗脫謀殺罪。

同場加映：

法言人丨黃嘉樂唔續約TVB老友勁擔心 婚姻出現「小三」強調最愛老婆

{{hket:ul-video id="8158"}}{{/hket:ul-video}}

{{hket:inline-image name="30.jpeg"}}{{/hket:inline-image}}

{{hket:inline-image name="tvb16.jpg"}}{{/hket:inline-image}}

「走佬新娘」林夏薇在劇情早段兩度披婚紗，計埋結局是第三次以婚紗look示人，修成正果與愛人結婚。兩人表現得相當甜蜜，其中一張鼻尖碰鼻尖的照片可以話sweet爆。薇薇受訪時笑言：「今次真係着得最多婚紗嘅一次，雖然影婚紗相唔使係咁跑，不過都有難度，因為要坐喺架單車上面，就住啲姿勢嚟影相會抽筋。（同馬明呢對「金田」CP好受歡迎？）係有啲意外，見到觀眾正能量留言好鼓舞呀，都希望再有機會同佢合作。」

法言人｜謝雪心演大狀獲讚壓場感十足 集中精神拍攝：半句閒話都唔講得【下一頁】

已貴為人妻的蔣祖曼原來現實生活中沒披過婚紗，也沒有拍過婚照，而這次拍婚照的過程更是「臨急臨忙」。她說：「首先冇乜時間試造型，第二係嗰日好多相都得我自己一個，因為阿康嗰日有嘢做，我哋嗱嗱臨影完合照放佢走先。」她又笑言自己是「硬照殺手」，「呢場結婚戲，演員冇得郁住嚟做，我一影相就會怕醜同尷尬。」

（↓點擊放大睇圖片↓）

趙璧渝感謝監製帶給她許多個第一次︰包括第一次出現在宣傳海報上、第一次出現在劇集片頭及片尾曲、第一次擁有完整角色，及第一次拍劇影有另一半的婚紗相，「無論戴頭紗同戒指都係第一次，雖然只係影硬照，都覺得成件事好靚。（今次角色好有迴響？）好多親友甚至街坊見到我都會叫我Coco，又讚我造型好靚，同埋話我跪地嗰場戲好正好型，我真係好開心。第一次感覺到一個成功嘅角色會係點，當然背後係有好多人付出努力去成就件事，我覺得自己好好彩。」

撰文：娛樂組

圖片：大會提供

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】