法言人｜麥玲玲演貴婦出動私伙手袋靚衫 為演好角色不計成本：冇理由求其著

《法言人》下星期踏入結局周，昨晚（4日）一集個案主角是特別演出貴婦白小姐的麥玲玲，「錢多到冇埞使」的白小姐，因為跟洪律師（莊鍶敏 飾）學跳舞結識了Nathan（陳俊堅 飾），並遭對方騙去2,000萬，遂要求金師爺（馬國明 飾）討回公道。白小姐經常失驚無神現身律師樓，兩度妨礙Tony仔（容天佑 飾）收工拜祭亡母，因而結怨；事有湊巧，一次Tony仔勇救白小姐，關係180度逆轉，二人上契。

同場加映：

法言人丨容天佑兒時跨境上課無阻刻苦練功 望拍劇有用武之地：我好想打

{{hket:ul-video id="8122"}}{{/hket:ul-video}}

自《法言人》播出後，容天佑憑性格單純、坦率又熱心的Tony仔角色成功入屋，加上天佑與Tony仔一樣天生一副好身手，網民更是正評不斷，昨晚Tony仔為捉Nathan再度表演「大腳趷起」，收放自如，一招「彎腰救美」更是技驚四座。談到相關場口，曾獲《功夫新星》香港區頭三名的天佑笑言：「又唔係特別難嘅，因為無論如何我都要一定接住玲玲姐，接唔到就大鑊。不過玲玲姐身手超級靈敏，著住高踭鞋咁樣彎腰落嚟都難佢唔到，果然厲害。」

{{hket:inline-image name="45.jpg"}}{{/hket:inline-image}}

天佑續指該場口拍攝難度反而在於「伸縮腳」，「腳踢出去就容易，踢出去唔碰到目標都唔難，最難係要隻腳已經出咗去，然後唔畀你伸直，夾硬抽返番嚟嗰吓就超級辛苦，就好似你想打噴嚏，但係又打唔出嗰吓感覺，好唔爽。」玲玲姐則笑言最怕責親天佑，說︰「其實事前試位試咗好耐，佢有叫我放心壓落佢度。天佑又真係幾有功架，佢本身有練過吓拳同功夫，所以反應係幾好。」

{{hket:inline-image name="14A.jpg"}}{{/hket:inline-image}}

另外，之前玲玲姐在網絡引發不少迴響的名牌手袋昨晚終於出場，足足有兩次close up，相當駕勢。談到昨晚演出由頭帶到落尾，玲玲姐笑言過足戲癮，「今晚好多朋友打嚟，又影相send畀我，好開心！拍嗰時梗係開心，因為我好少演呢種角色，做番自己多，都係家豪哥（總監製劉家豪）畀最多機會我去做啲唔同角色。」

{{hket:inline-image name="55.jpg"}}{{/hket:inline-image}}

為了認真做好白小姐，玲玲姐除了先騰出時間遷就劇組再安排其他堪輿工作，其角色所有手袋及服裝均是私伙，套裝是在開劇前找設計師度身訂造，她說︰「出動私伙拍攝，我唔係藝人身形，我寧願自己安排好晒。」

問到總值，玲玲姐則笑言：「拍嘢要認真啲，個角色係有錢人，冇理由求其著，呢啲唔係講錢嘅，最緊要符合個角色。」續指所有帽子均由TVB服裝間同事幫忙配襯，「起碼同我平時唔同，觀眾唔會一見到我又係諗番起麥玲玲。」笑指其私伙手袋在拍攝現場大受歡迎，「大家一見到啲袋就好興奮，我仲講笑叫馬明買一個畀靚湯，佢話千祈唔好，『佢一定以為我做錯事』，好搞笑。」

法言人丨蔣祖曼硬朗外表掩蓋真性情 爭取時間陪仔女：相處似家姐【下一頁】

撰文：娛樂組