法言人丨蔣祖曼硬朗外表掩蓋真性情 爭取時間陪仔女：相處似家姐

蔣祖曼（Joman）在劇集《法言人》中飾演年輕法官翁傲鳴，在法庭上鐵面無私，面對大雄（張頴康 飾）這位戇直男忍不住心心眼，主動展開追求。Joman坦言雖然經常演硬朗的角色，自己亦是兩孩之母，其實她是習慣依賴別人的小女人，當提到圈中最要好的朋友唐寧，她不禁說：「好掛住佢！」

{{hket:ul-video id="8125"}}{{/hket:ul-video}}

輕功丨嵐嵐自揭不育決心跟未婚夫分手 蔣祖曼好戲連場 素顏樣細過朱敏瀚【下一頁】

{{hket:inline-image name="0001.JPG"}}{{/hket:inline-image}}

{{hket:inline-image name="rccc.JPG"}}{{/hket:inline-image}}

Joman表示這次大部分時間都是跟謝雪心、張頴康演對手戲，而且文戲較重，「今次刻意同《逆天奇案》唔一樣，上一次係律師，今次總算升職做埋法官，希望演到嚴肅同理性嘅感覺。不過同張頴康做對手戲真係好難，佢畀我感覺比以前開朗得多，以前好調皮，而家真係好搞笑，幽默又唔正經，我仲要調轉主動追佢？觀眾真係要睇吓劇情睇我如何打破呢座古老石山！」她去年加盟TVB，過去幾齣劇集包括《使徒行者》系列、《鐵探》、《逆天奇案》和《輕·功》等都飾演女強人，她笑言：「我冇演過任何一個角色同我本身性格相似嘅，幕後工作人員話我個樣呃晒人，成個女強人咁款，私底下其實啱啱相反，我係嗰種長期糊里糊塗、慌失失嘅人，完全唔獨立，好依賴人。」

自香港電視《警界線》之後，Joman當上全職演員，作為兩孩之母，要工作之餘也要好好照顧家庭，分配時間絕對重要。「冇工作就留喺屋企，呢種一定係真正嘅陪伴，唔係各自做大家嘅事。我覺得自己都分得好清晰，工作時就盡量唔諗咁多，好多同事同我合作完，都好驚訝原來我有小朋友！因為我完全冇提起，工作完畢，我就全心全意去照顧佢哋。」Joman是丈夫的第二任妻子，大仔是她的繼子，經常被形容為「最強繼母」，她尷尬稱：「其實都好多年喇！個仔都16歲，高大過我，根本就冇繼子唔繼子之分，我哋之間相處得好好，正常母子之間咁樣溝通囉！有次我同阿仔行街遇到老師，我問阿仔老師會唔會誤會以為佢拍拖，佢話：『唔會啩？』不過真係有同學誤以為我係佢家姐。我覺得家事可以分享，但唔好加啲特別字眼，我唔知有冇影響佢哋心底，所以我近年已經好少分享佢哋啲相，自己做到嘅就係盡量保護佢哋。」

輕功丨蔣祖曼拍劇辛苦拒帶愛女做童星 簽無綫做「親生女」：我想入屋【下一頁】

{{hket:inline-image name="0001-4.JPG"}}{{/hket:inline-image}}

{{hket:inline-image name="nbc.JPG"}}{{/hket:inline-image}}

{{hket:inline-image name="tsadt.JPG"}}{{/hket:inline-image}}

Joman過往合作的演員對手不少，而論到關係最好的圈中人絕對是唐寧，她笑言：「我有少少社交恐懼，如果唔識嘅都唔敢交談，有次唐寧主動走埋嚟傾偈，佢話有睇我第一部戲《蝴蝶》（2004年），仲話首映禮想搵我影合照，點知我個樣好寸咁，所以唔夠膽。」後來，兩人建立深厚感情，全因為小動物，「佢係我最好嘅朋友，關係好似家人咁，我人生大事佢從來冇缺席過，生小朋友時佢係第一個到，喺產房外面等，佢仲話如果我老公未到，佢打算衝入去！佢移民我真係好唔捨得，好掛住佢呀！」

{{hket:inline-image name="22278145_863943523760305_2524055952332685312_n.jpg"}}{{/hket:inline-image}}

{{hket:inline-image name="83919835_1484470278395559_4643083542585636658_n.jpg"}}{{/hket:inline-image}}

{{hket:inline-image name="43696909_334328254009674_4390911376299748300_n.jpg"}}{{/hket:inline-image}}

{{hket:inline-image name="90743770_128802872025723_5025868533164925419_n.jpg"}}{{/hket:inline-image}}

Joman承認自己不是天才型演員，往往要靠後天努力為角色準備，她表示：「我當然希望可以有獎，暫時係渴望先，想多試試唔同角色，充實自己，演技上可以再進步。（後悔遲入電視圈行業？）條路好或唔好，要行過先知道，唔可以對自己嘅決定後悔，乜嘢決定都係自己嘅，活在當下享受其中最緊要！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉

攝影：林君茹、黃敬博、安嘉橋