法言人丨容天佑兒時跨境上課無阻刻苦練功 望拍劇有用武之地：我好想打

容天佑近日在劇集《法言人》中成為「打手」擔當，雖然角色是師爺，不過有不少讓他發揮身手的機會，每次飛踢的動作，觀眾們都大讚相當有功架。自小習武的天佑流過無數的汗與淚，入行初期發揮的機會不大，只好咬緊牙關不放棄，儲存經驗值，直至「Tony仔」這個幾乎度身訂造的角色來臨，他就好好把握，實踐成為武打演員的美夢。

{{hket:ul-video id="8122"}}{{/hket:ul-video}}

法言人｜容天佑爆三個月大愛犬係「鹹濕仔」 愛扮可憐靠可愛面孔俘虜女仔心【下一頁】

{{hket:inline-image name="0001-39.JPG"}}{{/hket:inline-image}}

{{hket:inline-image name="0001-33.JPG"}}{{/hket:inline-image}}

在《法言人》中飾演Tony仔活潑可愛又打得，贏來觀眾不錯的口碑，容天佑表示：「多謝監製、編審們畀機會我，個劇本好特別，角色話我係截拳道第三代傳人，現實生活中我係第四代，個感覺好貼切，好似有少少度身訂造咁。呢個機會我期待咗好耐，劇後半部分會有好多武打場面同救人戲份，我都唔需要替身，真係幾有滿足感，希望到時大家睇到都收貨啦！」

容天佑從小習武，想起小時候練功夫的點滴，他笑言都不知如何撐過來，「細個爸爸話我身體唔好，佢自己本身係空手道高手，覺得多做運動身體好，而且佢生得比較矮小，想我做運動可以生得高啲。於是，四歲學跆拳道，八歲先學截拳道，因為我係一直住深圳，每日去香港返學嘅跨境學童，過關好似趕鴨仔咁，但放學返到深圳屋企就即刻換衫去訓練學校。講真，過關已經攰，而且一星期學足五日，星期一、三、五學跆拳道，星期二、四學截拳道。」他表示當年年紀太小，根本不懂得埋怨，每次去到學跆拳道都哭成淚人，因為實在太勞累和辛苦，他說：「細個雖然著住護甲，但有次被人一腳踢埋嚟，好大聲『嘭』一聲，我成個人嚇到呆咗，喊足幾堂都唔想去學。」

在壓力迫使之下，容天佑慢慢成長，獲得少年黑帶之後，總算體會到功夫得來的回報，16歲的他參加TVB《功夫新星》節目得到第三名，完成中學課程後的他選擇入讀TVB藝員訓練班，希望入行成為一位真正的武打演員。由於18歲入行，大多數都是飾演學生或小混混的角色，雖然在《解決師》、《迷網》都有不少觀眾讚賞，不過名字總是不被記起，「出街好多人指住我，但噏極都噏唔出名，希望今次Tony仔大家會記得我！」

{{hket:inline-image name="af2b3d87-7782-4b2f-8871-16b910f4bf72.jpg"}}{{/hket:inline-image}}

{{hket:inline-image name="87e3f509-ced6-4954-a72d-a509c788e956.jpg"}}{{/hket:inline-image}}

{{hket:inline-image name="244526b9-2d23-4cb0-948c-bda44eb4460e.jpg"}}{{/hket:inline-image}}

{{hket:inline-image name="534_600.jpg"}}{{/hket:inline-image}}

{{hket:inline-image name="329930149_244060918166125_4279284096273867883_n_600.jpg"}}{{/hket:inline-image}}

{{hket:inline-image name="342227386_1688293888280972_9025088745918486344_n_600.jpg"}}{{/hket:inline-image}}

法言人｜容天佑起飛腳打爆金錶食指爆血 馬國明楊證樺同告受傷【下一頁】

容天佑表示感激家人支持入行，自己沒想過要有甚麼成就，公司安排角色就盡力做好，「我曾經有諗過係咪做得唔夠好或者運動唔夠呢，慢慢長大就覺得其實只係角色未撞啱，之前年紀話大唔大，話細唔細，唔知做人細佬定大人好。我惟有努力做好演戲嘅功課，練好功夫，等機會嚟！」台上一分鐘，台下十年功，過去努力練功夫，總算磨劍多年後在劇集中大放異彩，「我有幻想過將來有一套劇由頭打到尾嘅，我知一定會好攰、好辛苦，但只要觀眾睇到覺得好刺激、拳拳到肉咁，我就覺得好滿足。我好想打，亦都好想被人打！我好多謝以前嘅自己，因為佢一直堅持冇放棄，先至令到我有今日，我亦好感恩呢一行畀到好多樂趣我，令我捱苦都覺得捱得開心。」

{{hket:inline-image name="bf59cff5-978a-4ae2-b142-12454c4a32e9.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

場地：Base Bar & Restaurant
攝影：何家賢、陳健珊、安嘉橋
撰文：楊安莉