陳淑蘭爆母親離世前告知自己身世 驗DNA證無血緣關係：咁又點呢？

1988年港姐亞軍陳淑蘭（蘭子）的媽媽在去年母親節前去世，轉眼間已1年時間。與母親關係很好的蘭子，這段日子來一直惦記著她。蘭子日前在本報專欄《口沒遮蘭》中寫信給母親表達思念之情，自揭在媽媽離世嘅幾個月之前才知道自己非其親生。雖然知道無血緣關係，但她毫不在意，稱：「如果唔係有你嘅用心栽培、保護同埋寵愛，相信唔會有今日咁樂觀同充滿愛嘅陳淑蘭。」

同場加映：

法言人丨黃嘉樂唔續約TVB老友勁擔心 婚姻出現「小三」強調最愛老婆

{{hket:ul-video id="8158"}}{{/hket:ul-video}}

蘭子指時間飛逝，到現在仍不覺得母親已在去年5月離世。「每逢睇番你嘅相片，個心仍然會揦住痛。每次去墳場嘅時候，當工作人員同我講︰『嚟探媽咪呀？』我就會回應︰『係呀，嚟探媽咪呀！』呢句說話，令我覺得我好似只係去醫院探你，令我覺得天地相隔好遠，心連心嘅感覺卻係咁近。」

{{hket:inline-image name="70635046_2470262883258440_350379798465347584_n.jpeg"}}{{/hket:inline-image}}

蘭子在3個月大時被抱回家收養，媽媽用所有嘅愛將她養大。蘭子︰「你要守住呢個秘密應該好有壓力，係咪？喺你離世嘅幾個月前，你同身邊人講，係咪生我嗰位女士已經返嚟搵我？你驚我唔再理你。我以為你講呢啲說話，係因為你嘅腦退化幻覺，後來我去咗驗DNA，先知你同我冇血緣關係，但係咁又點呢？你愛我比海更深，你畀我嘅幸福比天更高，如果唔係有你嘅用心栽培、保護同埋寵愛，相信唔會有今日咁樂觀同充滿愛嘅陳淑蘭。」

{{hket:inline-image name="72354132_2483625195255542_2252349522254495744_n.jpeg"}}{{/hket:inline-image}}

蘭子感激母親的養育之恩，「我好好彩喺你臨走前能夠拖住你手，同你講︰『你係我永遠永遠最愛嘅媽咪，冇任何人可以代替你嘅地位，你對我嘅養育之恩，我今世還唔盡，如果有來世，希望我仲可以繼續做你嘅女。』多謝你偉大嘅母愛，令一個原本被遺棄嘅BB，能夠成為一顆你口中時時講嘅︰心肝、寶貝、夜明珠。」她對永遠至愛的母親說：「母親節快樂！」

陳淑蘭久違露面被指撞樣關之琳 有齊五十肩富貴包：唔認老唔得【下一頁】

撰文：娛樂組