大角咀超人氣小店 必食$398火焰海鮮雞煲套餐

要選近期大角咀最火紅，這間火滾安哥雞煲酒館一定有份，雖然離港鐵站有點距離，但逢星期四開始晚晚爆場，不過通常等半至一小時就有位，都值得排隊等一下！

一聽雞煲，以為又是味精多多的川式麻辣雞煲？Sorry，餐廳有自己一套風格，主打火焰海鮮鮮雞煲，這煲賣點一個字︰鮮！這鍋選用鮮雞，再加上海蝦、沙白、豬潤等，加入花雕及米酒乾燜，讓所有食材的鮮甜味道共治一「爐」，比香料多多的麻辣雞煲，更啱出名咀刁的香港人。

數數火焰海鮮雞煲的材料，有新鮮三黃雞、鮮蝦、沙白、竹蔗、馬蹄、鮮竹笙和蟲草等，十分豐富。上枱後倒入花雕和米酒，蓋上高身鑊蓋後加熱乾燜，邊煮邊聞到香惹氣味、也散發酒香，飢腸轆轆的食客已經口水流。

熊熊火焰啱打卡

叫得火焰雞煲，起火自然少不了。見雞鍋出煙時，重頭戲便來了，侍應在鑊邊點火，用意是揮發酒精，令鑊內的食材逼入酒香。霎時間，熊熊火焰升至1呎高，燃燒7、8分鐘後熄滅，火路啱啱好之餘，更畀足夠時間食客打卡。鑊蓋一打開，鮮香和酒香飄揚撲鼻。

看看醬汁，稠厚帶膠質，更浮了點雞油，代表新鮮三黃雞的精華都逼入醬汁之中。鮮雞本來就是重點，先消幹掉雞與海鮮，吸收了雞和海鮮精華的醬汁也不應放過，加清湯打邊爐，一鍋兩食。

選用新鮮三黃雞

雞煲選用本地新鮮三黃雞，為證明新鮮，花膠雞煲更會連原副雞腎雞肝等雞雜一起落鑊，不是鮮雞也不會連雞內臟。海鮮則採用街市生猛游水貨，牛肉也本地溫體騸牯牛，用料非常有誠意。

那個香噴噴的火焰雞煲別處難求，很快已吸引來跨區食客捧場。小店愈來愈紅，但沒有起價之餘，現在更推出優惠，二人套餐$398已包火焰海鮮雞煲、常設有牛有海鮮的廚師發辦火鍋拼盤，以及鮮菜盤。每人二百元左右，最重要食物質素達人均四、五百元收費的火鍋店級數，即使想加料，二人海鮮拼盤亦只是$198，價碼公道；CP值夠高，難怪逢周末也爆場。

火滾安哥雞煲酒館

地址︰大角咀界限街4-10號福群大廈地下4號舖

電話︰2736 0608

營業時間︰5pm - 1am

美術︰悠然