72歲李司棋與張敬軒膺十大網紅獎 自爆1原因拒穿TVB服裝部衣物

李司棋（司棋姐）今日與張敬軒（軒仔）、衛詩雅等同獲頒十大網紅獎，她開心表示以72歲高齡，仍能與一班年輕人同台獲獎，自覺很威水。司棋姐又大爆當初多得軒仔鼓勵和支持，才有今日的成就，當場向軒仔高呼︰「I love you！」

同場加映：馮素波名氣總被比下去視為透明 釋懷更珍惜家人：每次見當作惜別

{{hket:ul-video id="8063"}}{{/hket:ul-video}}

{{hket:inline-image name="101.jpg"}}{{/hket:inline-image}}

李司棋表示過往在電視城從未遇見張敬軒，直至去年合作拍廣告才首次見面。雖然之前未真正認識，但軒仔不時隔空支持司棋姐，令司棋姐每次出po都受外界關注，兼吸納更多追蹤者。軒仔稱︰「當時我已經覺得司棋姐會喺短期內成為新一代時尚KOL，佢早期拍劇時，打扮已經好有品味，仲超越好多後輩，係新潮流嘅標準。」不過司棋姐謙稱其穿衣之道，只是亂搭一通。司棋姐說︰「TVB服裝部都知我麻煩，佢哋唔知我嘅缺點，畀件蝴蝶衫我，但我着起上嚟好似大肚咁，所以我會自備私伙衫，都係為件事好啲。」

{{hket:inline-image name="104.jpg"}}{{/hket:inline-image}}

問兩人會否合作拍網上節目？軒仔即表示︰「我哋可以一齊拍飲食節目，睇司棋姐平時啲煮嘢食片，我都睇得好開心。」司棋姐即指看到軒仔食「遮遮」（傭人）早餐，便感到心痛，軒仔即大爆首次見面，便獲司棋姐送上愛心茶香雞。司棋姐又指不再演戲後便可做回自己，「我嘅真實性格鍾意笑，鍾意用得意嘅方法去睇事情，依家個社交平台得到年輕人鍾意，仲攞咗獎，所以做人最緊要跟住個beat，唔好甩beat，唔好淨係湊孫乜都唔識，年紀大唔係絕路。」

{{hket:inline-image name="109.jpg"}}{{/hket:inline-image}}

{{hket:inline-image name="a71356b4-3d19-4fc8-a9b0-4aee3e4e9ba6.jpg"}}{{/hket:inline-image}}

撰文：倪小珊