無綫娛樂主播王鎮泉抱得美人歸,與圈外女友Vanilla結婚。他們共同興趣就是喜歡小動物,以雀仔定情。未結婚前,他們各自飼養的愛犬離世而太傷心,不敢投放感情在狗隻上,卻誤打誤撞飼養雀鳥。王鎮泉飼養了4隻相思,Vanilla養了2隻鸚鵡,拍拖時共同飼養另一隻品種的鸚鵡,共7隻「囝囝囡囡」,大家族也!
同場加映:
陳泳伽將拍拖6年男友降Level變戰友 介意前度冇目標:唔想好似湊仔
王鎮泉與狗隻一起成長,關係特別密切,說︰「我細個養過都拍文,但印象唔多,之後就養芝娃娃同兩隻西施。最深印象係最後走嗰隻,佢叫『燒賣』。細個同狗仔關係好深,小學四五年班,去學照顧狗仔,佢哋同你日日玩同生活,感情好好。我成日搬屋,跟住要轉學校,朋友冇咁多,反而同狗仔相處時間最長。佢哋世界得你一個 ,對你好忠心。就算你好樣衰佢哋都唔介意,一樣陪住你。我無數次唔開心,甚至喊,佢哋都會陪伴,舔我嘅眼淚,令我好難忘。」
無綫主持王鎮泉宣布求婚成功 與圈外未婚妻結小鳥情緣【下一頁】
王鎮泉與太太雀仔定情拉埋天窗 譚俊彥話生仔冇秘笈:準時做就得【下一頁】
而最後一隻養的「燒賣」,王鎮泉︰「由佢一粒波咁細養大到一個波仔咁,最初嚟屋企,我會鋪床喺廳陪佢瞓,陪佢玩,由細照顧佢到大。」牠年紀漸大,老弱有病,未能見到牠最後一面,後悔至今,「真係太傷心!承受唔到人與狗嘅生離死別。佢都走咗四、五年,傷心淡化咗啲,唔係話唔可以再養,都睇開咗...」他的經歷,太太同樣遇到,互相傾訴喪狗之痛時,愛情亦由此而起。
夫妻沒有再養狗後,不約而同愛上雀鳥。王鎮泉在街上偶然遇到受傷的「綠波」,帶牠回家後,成為「雀癡」,越養越多,找到不少樂趣,撫平喪犬之傷,「唔夠陽光照射入屋,屋企好暗,養咗雀之後,屋企多啲朝氣,相思雀唱歌好聽,好似森美嘅雀聲,好悅耳。當佢哋喺屋企走出個籠活動,4隻相思飛嚟飛去,有啲又飛到我頭上,感覺好似白雪公主,左手、膊頭又有,圍住你頭頂飛,我唱歌,佢哋又跟住唱,情景好得意。但當佢哋鬧交時,就好似《倚天屠龍記》入面嘅打鬥場面,刀光劍影同埋啲爆破聲,好好笑。」
每日「放風」的時候,王鎮泉跟雀鳥的互動很多,他特別喜歡這這畫面︰「我伸出手指,雀鳥會主動行近,企上手指...仲有呀,佢哋沖涼沖唔厭,沖一日都得!我都鍾意望住佢哋沖涼,可以望一日,畫面好療癒。佢哋有時會企喺你頭頂玩頭髮,喺你耳仔側邊摷你耳仔,好多行為都好搞笑。」跟太太養的定情鳥「皮皮」就愛模仿人類說話,「4隻相思唱歌好好聽,幫佢哋改咗個組合名『四寶飯』,但皮皮就好少唱,有時仲會走音,佢識嗌皮皮,仲會學人笑,我哋喺屋企笑,佢就跟你哈哈哈哈!又識得分你哋係真笑定係假笑;最近鍾意玩追波,當個波仇人咁追!」
王鎮泉意料不到雀鳥跟人類互動,可以如此親近,有這麼很多樂趣,「好驚訝!試過『皮皮』伏喺我身上瞓覺,我覺得好難得,感受到生命奧妙。以為同狗、貓先有呢種close...『皮皮』好鍾意我帶佢出街,佢好受歡迎,個個見到佢都融化,好多朋友原本驚雀仔,但同佢玩完就唔驚嘞!」
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】
撰文:王連連