陳梅馨參選1988年港姐入行，不過2005年年完成拍攝《樂壇插班生》就一直息影，事隔26年，陳梅馨再次參與《家族榮耀》演出，正式回歸公仔箱。陳梅馨接受無綫娛樂新聞台《Star Talk》專訪，與主持王鎮泉暢談對拍劇的熱愛及愛情觀。陳梅馨笑指拍攝《家族》時相當緊張，幸得飾演丈夫的于洋及女兒的梁靖琪分別鼓勵及安慰：「于大哥會話：『我以前都試過呀，有啲對白背熟晒， 突然埋位個腦係空白嘅。』」梅馨笑指劇集出街期間，好友經常致電她要求「劇透」。
同場加映：梁詠琪與4歲半童星演母女 唔怕囡囡呷醋：佢當係自己朋友
《家族榮耀》首播丨大堆頭強勁卡士驚見熟悉陌生人 麥翠嫻陳梅馨相隔廿幾年再拍電視劇【下一頁】
談到闊別多年回歸電視圈，梅馨透露是因為徐遇安一個電話：「96年我哋一班演員同 導演過咗去馬來西亞拍劇，之後大家有個群組，又會一年聚一次。當中徐遇安有日就打畀我，問我有冇興趣拍劇玩吓，佢話係梁家樹監製嘅劇，咁當時我做咗好多年餐廳，有啲悶悶地，同埋我有時睇電視又會諗呢個角色如果我做，又得唔得呢？各種原因下咁我就好啦， 玩吓啦！」梅馨笑言是次經歷讓她過足戲癮，並寄望將來能有更多拍劇機會；問到最想嘗試角色，梅馨直指是奸角：「《家族》我個角色係內向怕事，都幾似我真人，我份人比較慢熱，以前拍套劇兩、三個月，可能我要到差唔多拍完先同其他演員熟，或者根本就唔熟。」
【離開無綫24年】陳梅馨51歲高清無紋身形纖瘦 淡出開餐廳歷盡風霜享受單身【下一頁】
陳梅馨因「復出」惹關注令她的舊情史都被翻出來，當年她被有婦之夫溫兆倫對她展開追求，當時溫兆倫與太太正辦理離婚，後來跟陳梅馨正式交往，可惜陳梅馨無法接受男方性格，兩個月內提出逾10次分手，分手後，溫兆倫竟獅子開大口向陳梅馨索取14萬「掟煲費」，更申請法庭禁制令，令陳梅馨赴英求學的計劃告吹。陳梅馨最終贏了官司，雙方卻早已反目成仇。直至1999年陳梅馨又被指介入姜皓文及其女友殷寧（現為姜皓文老婆）的戀情，姜皓文反駁已與殷寧分手一個月，惟殷寧反稱兩人一直同床。陳梅馨得悉後果斷分手。
事隔多年，梅馨指希望相關報道沒有影響到其他受牽連的人，並感嘆謂：「我而家睇番以前都覺得好多嘢唔識處理，仲太後生，如果識處理，可能結果唔會係咁。」問到經歷了數次失敗戀愛經驗後，有否影響其愛情觀，梅馨坦言一切隨緣：「其實我後生時都冇諗過組織家庭或者生小朋友。（對愛情冇信心？）冇呀喇，我感情都寄托喺兩隻貓度，而家希望多啲寄情工作。」問到還會否結婚，梅馨更落閘謂：「完全冇可能，相信呢個機會微乎其微。婚紗相我因為工作都影過好多，所以都冇好恨。」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉