尖沙咀扒房 沉浸式體驗+駐場音樂騷

鬧市地段的大型商場中覓食，餐費總是不菲，若對食物要求較高，又想環境好、氣氛佳，一頓下來必然令荷包大傷，往往令人猶豫卻步。這家隸屬本地高檔餐飲集團的新開扒房，卻顛覆以上定律。歎高質靚扒之餘兼具性價比，怎能錯過？

跟名店Isola、Va Bene、Glasshouse及G Bar同集團的Maison Gaia，是K11 MUSEA內最新的扒房，座位不多，屬於低密度、高私隱餐廳，還裝上現今流行的弧形LED屏幕，屏幕不時轉換影像，幾分鐘便可「遊走」南歐古城、北歐森林、日本櫻花步道，甚至藍藍大海之中，感受到本地少有的沉浸式餐飲體驗。加上以雲石、古銅色、玫瑰金和絲絨梳化為主軸的室內設計，氣氛高貴，逢周五、六晚上，餐廳更設有現場音樂表演，氛圍更華麗浪漫，是否令人猜度這家餐廳必定價錢不菲？

供應1.4kg重量級牛扒

原來在這裏鋸扒，$328起跳，多國頂級肉扒及海鮮伴任食前菜及甜品晚市自助餐，選擇牛扒的話，亦只是$438起，位處K11 MUSEA加上餐廳的裝潢，合理的價格確令人喜出望外。

晚市半自助餐陣容非常鼎盛，前菜的意大利風乾火腿、頂級芝士、日式壽司和新鮮沙律等，大約有二十多款美食，吃一轉已可令你飽了七成。

不過，怎樣都要留肚吃主菜牛扒，晚市選擇甚多，包括美國西冷、肉眼、澳洲頂級牛柳、日本A4和牛、T骨牛扒及和牛斧頭扒。喜歡刁鑽部位還可以試試和牛橫隔肌，加上還有十多款Surf & Turf（海陸大餐）的組合也十分吸引。同行中有人不吃牛肉，又可揀雜錦海鮮拼盤、加拿大豬鞍或法國黃油春雞，牛扒分量由200g至1.4kg都有，可按自己胃納對號入座。

鋸完扒，還可享用自助甜品吧，甜品做得精緻兼可打卡，馬卡龍、芝士餅、水果撻、酥餅、蛋糕和新鮮生果等，色彩繽紛！晚市6pm開始，建議早點入座，因為半自助餐不分時段，可以慢慢歎到晚上10點。

Maison Gaia

地 址︰尖沙咀Victoria Dockside K11 MUSEA 5樓503號舖

電 話︰2890 1820

營業時間︰11am - 10pm

美術︰梁政敏