廉政狙擊｜黃智賢為投地出賣太太羅霖色誘蔡康年 被批劇情重口味：搵都搵後生女啦

《廉政狙擊》昨晚（14日）劇情提及富商大奸狗卓廷光（黃智賢 飾）為了成功投得最關鍵的「第十街」地皮，不惜以太太郭明暉（羅霖 飾）作籌碼，與發展局高層關兆恒（蔡康年 飾）發生性行為，以獲取內幕消息。

同場加映：

李駿傑 Jeremy@MIRROR想同甜美笑容女仔「Closer」 中學時代佛系曖昧食白果

{{hket:ul-video id="7792"}}{{/hket:ul-video}}

凡事以老公廷光為重的明暉，為撐老公不惜一切。昨晚一集，她身穿斜肩設計戰衣，登門與關兆恒「敘舊」，二人飲過紅酒及跳完舞後上床，男方離去前留下一張暗示「必勝投標價」的字條…

{{hket:inline-image name="4353.jpg"}}{{/hket:inline-image}}

床戲雖然只有半分鐘，昨晚播出後有網民指情節「驚爆」、「重口味」，不得不在網上瘋狂留言︰「老公派個老婆去色誘人？老婆又好似好享受咁，成件事好小事咁，咁有錢都要咁做」、「為咗夢想派老婆色誘另一個男人，真噁心」、「劇情好低B…卓生咁有米…竟然送老婆畀人」、「做戲啫搵都搵個後生女啦」；又有人相當「入戲」，大鬧卓廷光一角，「唔係男人所為！畀哂全世界你又有咩用」、「要靠個老婆先可以做到一件事」、「賤格男人」。

有觀眾笑言「床戲男主角」竟然全程唔見樣，微塵也不如，指︰「最搞笑蔡康年唔出得樣」，有網民回應︰「因為佢都驚畀人笑」。

羅霖受訪時透露該場戲是她拍攝劇集以來「最大膽演出」，坦承收到劇本時感到意外，亦有與導演商討細節，說︰「導演覺得情節係順理成章，照拍，導演都好好人，為我清場，佢亦都拍得好有美感。劇情係講卓生知道、同意呢一件事，卓家嘅三觀係同一般人好唔同，我睇晒亦研究過郭明暉呢個角色，知道佢可以為咗屋企犧牲自己。」

{{hket:inline-image name="90709.jpg"}}{{/hket:inline-image}}

羅霖續指，未有就相關拍攝場面特別作事前準備，皆因自己一年四季都十分注重身體皮膚保養，有做足打底功夫，「我有穿泳衣打底，亦都貼晒胸貼，唔驚走光。」囝囝的觀後感？她則說：「佢哋都覺得係劇情所需呀，好了解嘅。我之前影寫真都有泳衣，都有問過佢哋意見，佢哋覺得只要拍得靚，有美感就OK!」問到美胸心得是？她笑謂：「冇乜特別，我會做唔同嘅運動兼顧整個身體，有啲運動嘅動作都可以幫助到美胸。」

廉政狙擊︳黎燕珊羅霖齊齊發燒病樣差得遠 兩代亞姐冠軍做阿媽冇包袱【下一頁】

撰文：娛樂組