廉政狙擊丨吳卓羲為古天樂伴舞獲賞識轉拍劇 難頂舊劇太嫩：噏齊對白就算

吳卓羲（Ron）在劇集《廉政狙擊》扮演大律師卓以凡，冷靜兼工於心計，將歪理變成真理，甚有戲味。Ron日前接受《晴報》專訪，表示最意想不到的，是黃智賢飾演其養父，他說︰「呢個角色，我諗除咗萬梓良演之外，冇人演得到，但佢得，我好欣賞佢呢個角色，我之後同佢嘅戲都好好睇。」

同場加映：新四十二章丨「揸流灘」主角捱過低潮惺惺相惜 吳子冲捉緊機遇追夢 史穎喬感恩前輩無私傳承

{{hket:ul-video id="7707"}}{{/hket:ul-video}}

{{hket:inline-image name="53.JPG"}}{{/hket:inline-image}}

{{hket:inline-image name="13.jpg"}}{{/hket:inline-image}}

近年連續3套《飛虎》系列都跟黃宗澤合作，不擔心觀眾睇到悶？Ron說：「可能劇組就係搜集咗資料，知道觀眾覺得唔悶吖嘛，《飛虎之潛行極戰》點擊率係高，形成咗之後有《飛虎之雷霆極戰》、《飛虎之壯志英雄》、《廉政狙擊》。」Ron表示很開心再與黃宗澤、胡定欣合作，看到對方戲路之廣，演技日漸成熟而心感安慰。

Ron在內地工作時，空閒時會細看自己昔日劇集，看到初入行的自己，演技的確幼嫩，「雖然係訓練班出嚟，但係實踐好緊要。當時冇得瞓，試過朝早古裝煞科，夜晚緊接第二套新劇《酒店風雲》，根本冇時間理解人物角色、劇本情節，噏齊對白就算啦！」回想初期，Ron報讀TVB第7期舞蹈藝員訓練班，沒想過做演員，全因古天樂，「我好記得，喺清水灣邵氏大樓過去canteen，有道防煙門，咁啱佢迎面行緊嚟，我同佢對望咗3、4秒，心諗︰『死啦，係咪得罪佢呢？』佢望一望我，跟住走去攞車，嚇得我吖！跟住我幫佢跳舞，我哋排舞，佢話︰『過嚟𡃁仔，有冇興趣拍戲？得㗎喇！我同芭姐（前TVB藝員部經理蕭笑鳴）講。』跟住我就去見芭姐...」

廉政狙擊︳胡定欣演亦正亦邪「氣場女強人」 吳卓羲做大狀脫離「衝動警」行列【下一頁】

初當演員，遇上接二連三挫敗感，是否想回去舞蹈員就算？他說：「我好想！我係好想留低。排舞老師、同期舞蹈員都叫我走，跳舞跳唔到好多年，骨頭散，所以我好多謝以前舞蹈組嘅一班兄弟同老師，佢哋話︰『走！你好，我哋都好開心！』於是我留番喺錄影廠，繼續打拼。」還記得2000年11月19日TVB台慶，他表演完跳舞，就離開了舞蹈組，坦言：「好感恩舞蹈組帶畀我嘅嘢，我之後拍時裝打戲、動作古裝戲，起碼轉個圈都企得穩先。」

大灣仔的夜2︳吳卓羲自責忙拍劇少時間陪家人 常對媽媽講我愛你：別留遺憾【下一頁】

{{hket:inline-image name="49858293_287203161973019_6220324795951537965_n.jpg"}}{{/hket:inline-image}}

{{hket:inline-image name="80.jpg"}}{{/hket:inline-image}}

Ron在內地綜藝節目《大灣仔的夜2》提及近年經常跟媽媽講「我愛你」，「基本上，我喺香港都唔會出街，老實講，我都唔係好鍾意應酬，除咗同朋友見面食飯，食完飯就返屋企，再加上媽媽近排身體唔好，之後要做手術，所以我要多啲陪佢。」媽媽催婚？Ron說：「佢冇催婚，催過一次之嘛，催我生仔之嘛！我冇乜感情事，緣份天安排！」

{{hket:inline-image name="81.jpg"}}{{/hket:inline-image}}

{{hket:inline-image name="82.jpg"}}{{/hket:inline-image}}

撰文：黃曉妍

化妝：Zoe Fan
髮型：Rayo Cheng @22 hair.nail

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】