廉政狙擊丨黃智賢挾阿海光環北上發展冇人識 自己警醒：做人唔好自我膨漲

現年55歲的黃智賢，入行超過30年，雖然每次都是演配角，其演技早獲得觀眾認同。自認是電視精的他，當年的《上海灘》、《倚天屠龍記》、《陸小鳳》、《歡樂今宵》等，乜都追一餐，他十分感恩自己能夠成為一名演員。

同場加映：中年好聲音丨吳大強Chill住管教任四個仔發展 71歲追夢感幸福：畀大家睇到衝勁

{{hket:ul-video id="7808"}}{{/hket:ul-video}}

{{hket:inline-image name="w534t645.JPG"}}{{/hket:inline-image}}

{{hket:inline-image name="mfile_7936_869038_1_l.jpg"}}{{/hket:inline-image}}

黃智賢接受陳圖安訪問，在港台節目《安哥同學會》上侃侃而談。年輕時，他有一個演員夢，藏於心中，不敢跟家人說，之後加入警隊，期時TVB招募青少年大使，於是膽粗粗去面試，在2,000脫穎而出，他說：「好開心！當時好似願望成真咁，因為我好想入TVB！好想入行。」

黃智賢如願以償，當上演員時卻發現自己欠缺天份，於是向公司申請以「旁聽生」讀藝員訓練班，卻又被調入兒童組主持《閃電傳真機》。為了一圓演員夢，他決定向公司反映，自己想進入戲劇組，他說：「如果你唔為自己發聲，機會唔會天跌落嚟！如果我係安份守己，我當初做警察，其實都唔錯吖，但就係有一個夢，成日call自己『我真係好想做演員』。」

廉政狙擊｜Patrick Sir演奸角「唧」都唔笑 被網友指同黃子恆撞樣？【下一頁】

離開兒童組，黃智賢在1993年演出第一齣劇集《武尊少林》，可惜出師不利，他面對巨大挫折感，「拍打戲係即場度（動作設計），即場學（武打），即場記（步驟），即場拍，我顧得隻手，又睇唔到隻腳，睇到隻腳，點知又出咗鏡，攝影機影你唔到，好大壓力...個個人等你收工，當時我好自責，自細睇《陸小鳳》大㗎嘛！我以為自己好打得，機會到自己，我係笨手笨腳。」

兩年後，黃智賢遇上《真情》「容向海」一角，深得觀眾歡心，不少觀眾都稱呼他做「阿海」，「對我影響好大，好多人認識黃智賢都係由阿海開始。同劇有好多前輩，係一個好好學習嘅階段。」他試過北上發展，「我以為喺香港呢個地方，《真情》阿海有好多人識啦，返到內地，一過咗長江以北嘅地方，啲人係唔識你，我重新開始，冇咗阿海光環。當時警醒，做人唔好自我膨脹！唔好以為自己有甚麼了不起，原來好多人未睇過你做戲㗎，自吹自擂點樣巴巴閉閉係冇用。事實上檢視自己又唔係真係做好多戲啫，《真情》佔咗3年幾，兒童節目佔咗5年幾，喺裏面所學到嘅嘢，並不足以應付劇集世界裏面所有角色。」

廉政狙擊丨吳卓羲為古天樂伴舞獲賞識轉拍劇 難頂舊劇太嫩：噏齊對白就算【下一頁】

{{hket:inline-image name="333078072_1320500302135243_3602037664356753086_n.jpg"}}{{/hket:inline-image}}

黃智賢在熱播中的《廉政狙擊》飾演大反派卓廷光，壞事做盡，看得觀眾眉頭緊皺，飾演其養子的吳卓羲亦讚不絕口，十分欣賞，曾道︰「我𢲷晒頭，黃智賢做我阿爸？但你唔好理，我覺得幾好睇，好有火花。」黃智賢說：「做反派，發揮更加大，反而我會爭取做反派，了解人性之後，有黑有白有灰，放喺戲劇世界好好用，現實我當然會選擇做一個好人。」

{{hket:inline-image name="220591224_549354019440789_2793251246927516423_n.jpg"}}{{/hket:inline-image}}

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】