57歲夏文汐美國返港與親友聚會 與長腿侄女合照原來係TVB藝人

1980年代紅星夏文汐早前由美國回港，多年冇返嚟，第一時間搵老朋友聚舊，相片仲放上社交平台，與眾同樂，勾起集體回憶。除此之外，仲大曬靚侄女照片，佢哋歎食海鮮，而原來佢呢個靚靚侄女都係圈中人，仲係上緊位嘅TVB藝人。

新四十二章丨「揸流灘」主角捱過低潮惺惺相惜 吳子冲捉緊機遇追夢 史穎喬感恩前輩無私傳承

{{hket:ul-video id="7707"}}{{/hket:ul-video}}

夏文汐日前由美國回港，第一時間聯絡葉童，並曬出兩人合照。相中的夏文汐留著一頭齊耳短髮，皮膚白皙紅潤，氣質仍然出眾有韻味；而一旁嘅葉童打扮casual，無添加嘅一頭花白短髮，型格十足。即使兩人已接近60歲，依然從容優雅。

夏文汐、葉童80年代初同為五洲景龍電影公司藝人，憑藉電影《烈火青春》出道，並雙雙提名《第二屆香港電影金像獎》「最佳新人」獎。其後兩人各自拍攝不同類型嘅影視作品，闖出自己嘅一片天。2009年，夏文汐、葉童齊齊為《第28屆香港電影金像獎》頒發「最佳編劇」獎 ，係一個大家都認為賞心悅目嘅組合。

日前，TVB藝人鄧伊婷post同夏文汐嘅合照，留言：「我的殿堂級女神。很久不見仍風采依然，還跟我心靈相通不約而同穿black pink...謝謝姑姐請我到她的店吃海鮮，懷舊風很有feel, 海鮮新鮮，烹調用心，每一道菜都很好吃！」鄧伊婷入行多年，冇公開過夏文汐嘅關係，非常低調；二人都係美人胚子，完全唔同類型，夏文汐係氣質空靈，而鄧伊婷就係活潑性感。網民驚訝二人有血緣關係，留言「竟然係親戚」，唔少人大讚二人都係女神，「汁汁姐（鄧伊婷花名）喺我心目中都係殿堂级女神」。

現年57歲嘅夏文汐80年代末同商人黃冠博結婚，此後有10年冇作幕前演出。2002年佢應張艾嘉邀請返回香港客串電影《想飛》，之後都有零星演出。2017年夏文汐拍攝TVB劇集《逆緣》，出眾氣質同埋佢與年齡不符嘅精緻面孔，再次虜獲觀眾嘅心。夏文汐雖然幕前演出唔多，都不時拍片於社交平台分享，與網民互動，唔少人都大讚佢keep得好。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：娛樂組