美心「財神」贈醫護黃金蛋卷 感謝守護市民健康

疫情持續超過3年，醫護人員一直守護香港市民嘅健康，為感謝佢哋嘅付出，以及向正在社區隔離設施檢疫嘅人士展示關懷及支持，早幾日美心集團特意安排「財神」喺大年初一，去到醫管局職員飯堂及社區隔離設施，向醫護人員和檢疫人士派發共12,000份「黃金」蛋卷，希望大家有一個開心嘅兔年。

美心集團首席營運官（香港及澳門）蕭德威同黛安分享，佢話今次美心派發嘅「黃金」蛋卷係選用法國牛油、新鮮雞蛋及優質麵粉等上乘食材製成，曾獲頒「2022年世界品質評鑑大會金獎」，希望一眾醫護人員及身處社區隔離設施受檢疫嘅人士，喺抗疫期間都能享受到美味嘅賀年食品及感受到新年嘅祝福。

佢仲話，「美心集團喺虎年透過各項活動分享食物，受惠人士接近500,000，寄望兔年香港會有個更美好嘅經濟環境，集團亦會繼續將美食分享畀唔同有需要嘅人士，傳承美心美膳．滋味人生嘅理念。」