$198起90分鐘晚市套餐 包Gelato雪糕放題

Gelato意式雪糕專門店Holly Brown的雪糕放題，一向大受Fans歡迎，早前停辦令不少人望穿秋水；好消息是，晚市的Gelato雪糕放題終於回歸喇！放題只限6pm-9pm於尖沙咀美麗華廣場1期的Cabin Crew Coffee分店供應。客人只要每人點一份晚市套餐就可以任食雪糕，限時90分鐘。晚餐$198起，包括了前菜沙律、餐湯、主菜以及咖啡或茶，主菜共有10款，包括神戶牛漢堡包配薯條、燒羊架、意大利餛飩、藍青口番茄汁意大利粉、燒春雞及燒豬肋骨拼盤等。

提提大家，要留時間吃雪糕，每日有8- 10款口味，其中有人氣之選有藍色呍呢嗱味、士多啤梨、蘋果批、抹茶以及朱古力味等，貪心點試勻咁多款口味也無問題啦！

電話：5590 0283