王君馨感概舞者地位未受尊重 寄望香港設立舞蹈界頒獎禮

香港藝人不乏「舞林中人」，17位來自不同派別與舞種的導師與學員施展渾身解數，昨晚在西九文化區出席本地大型戶外舞蹈表演《Figure OUCH!》，甫開騷即焫㷫全場。鍾舒漫（Sherman）和妹妹鍾舒祺、黎美言（Winkie）、王君馨（Grace）、衛詩（Jill）及吳嘉禧（Cheronna）5位熱愛跳舞的本地藝人亦與不同舞者聯乘表演。

{{hket:inline-image name="3.jpeg"}}{{/hket:inline-image}}

同場加映：炎明熹認乖女因一事激嬲姑丈怒罵 明年18歲望滿足歌迷開紅館個唱

{{hket:ul-video id="7290"}}{{/hket:ul-video}}

演出場地一下子就氣氛高漲，有如大型跳舞派對，台上台下人人勁舞，Sherman、Winkie、Grace、Jill與Cheronna 5人以貼身黑衣舞服狂跳220秒，為活動掀起高潮。她們坦言有如此大型的跳舞騷不容易，大讚觀眾們的反應勁過紅館觀眾，又表示希望下年仍可以繼續跳。Grace更在台上表示：「舞者有時冇演員、歌手咁被尊重，好似淨係企喺側邊咁，但如果冇咗排舞師，大家睇開嘅跳舞MV出嚟嘅效果就冇咁好睇。」她寄望樂壇頒獎禮能設立排舞師獎，鼓勵一眾舞者。

{{hket:inline-image name="5.jpeg"}}{{/hket:inline-image}}

了不起舞社︳王君馨高齡追夢與60𡃁妹爭崩頭 內地跳舞真人騷落淚感動主持【下一頁】

舊日的足跡丨阿Mo爸爸感受親情和外界的愛 爆李澤楷探望但花姐：可能唔太方便吧【下一頁】

她們騷後受訪時仍難掩興奮，Cheronna笑言等上台期間，多次忍不住衝出去欣賞，而很久沒有於台上跳舞的Jill說：「真係耐到我都唔記得，但係好掛住呢個感覺，希望香港多啲呢類dance show。Winkie指這次的跳舞演出，令她們五人找回自己：「有時做娛樂圈，人哋叫你做咩就做咩，今次令我哋搵返個初心，做返最pure嘅自己。」

{{hket:inline-image name="4.jpeg"}}{{/hket:inline-image}}

她們又希望未來的音樂頒獎禮，可以為舞者設立獎項，Grace話：「既然曲詞編監都有獎，其實好多演出同MV，排舞師都有好大功勞，外國都有好多關於跳舞嘅獎項，希望香港都可以有，相信對舞者係好大嘅鼓勵。」Sherman表示不少跳舞老師透過這次的活動，令他們找回跳舞的熱情。

之前，舞者李啟言在MIRROR的紅館演唱會上，遇到嚴重事故被大型屏幕壓傷，至今仍然接受治療，未能自由活動。而這此活動上的舞者們，感謝大會讓她與學生有演出的機會，亦希望在香港推動這個文化，更希望能有更多人關注舞者，藉著機會提升Dancer地位，期望製作公司能與舞者、樂手協商，當中舞者阿業表示：「如果大家簽咗agreement先，唔止係製作公司可以叫停嘅，香港嘅製作好忙，大家都可以小心啲，如果有協商，咁萬一有咩意外，都知大家事前已經充分考慮咗嘅。」

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】 

撰文：王連連