江若琳結婚4年終宣布造人成功 蕭唯展直認：我靚仔但精子唔合格

江若琳（Elanne）和蕭唯展（Oscar）2018年結婚，不時喺網上互窒放閃。事業有成又夫妻恩愛，隨時ready生B，延續佢哋嘅優良基因。Elanne肚皮遲遲都未有聲氣，唔少朋友都戥佢哋心急呀！今日（23日）係二人結婚4周年，終於，兩公婆同步喺社交平台宣布造人成功嘅好消息，真係可喜可賀呀！

同場加映： 百萬同居計劃丨練美娟夥拍型男黃德斌做夫婦 朋友勁羨慕：我終於甩難喇

{{hket:ul-video id="7208"}}{{/hket:ul-video}}

江若琳細佬3年發脹一倍面目全非 家姐公開恥笑激勵：可唔可以振作？【下一頁】

Elanne喺社交平台post同老公以及一件BB衫仔嘅合照，以「最珍貴的禮物」為題，宣布自己終於懷孕，留言：「今日係我哋兩口子結婚4周年嘞。今年我哋得到咗一份渴望好耐而又彌足珍貴嘅聖誕同結婚周年禮物。我倆等待你嘅出現足足4年，一直都以為生BB係一件理所當然，好容易既事，但呢幾年間經歷過不停嘅嘗試又不停咁失敗，連身邊朋友都比我哋著急，次次都關心我哋幾時生得出。」感慨生仔原來好難，甚至處於半放棄狀態，「世界只係得我哋兩個都會快樂地走到白頭」，之不過人生就係充滿驚喜嘅旅程，「每當你好用力想要得到一樣嘢時，總係事與願違，但當你選擇放下放輕鬆時，聖誕老人就會喺一個最美好嘅時間點，將你最想要嘅禮物送畀你！」

{{hket:inline-image name="52097731_1735402393226202_4087627232742905011_n.jpg"}}{{/hket:inline-image}}

Elanne話自己雖然「論論盡盡」，未想像到做人阿媽係點，同時會努力學習，讓母愛滿瀉，將最好嘅畀晒BB！佢呢幾個月妊娠反應好明顯，疲累啦、反胃啦、嘔吐啦，同時每日充滿住感恩嘅心！

就快做爸爸嘅Oscar就形容而家心情好似美斯攞咗世界盃咁，表示自己一直都好恨有B，直認遲遲未造人成功係佢身體出問題，「4年前嘅今日結婚，我望住好多小朋友喺我嘅婚禮入面跑來跑去，好可愛，好希望快啲有一個我哋嘅BB。點知......努力咗4年，中間試過好多次失望，醫生話雖然我靚仔，但精子唔合格，好難有BB。」

期間Oscar冇放棄，仲改變自己多年不良習慣，「我習慣（認同）咗只要有夢想，凡事可成真嘅理念。首先檢討一下自己，重新建立一個健康嘅自己，戒咗煙，不停跑步做運動，食健康啲。終於4年後嘅今日，我哋成功攞到世界盃喇，多謝老婆，多謝每一位提供過良方比我哋嘅朋友。」

Oscar結婚當日已經坦承隨時迎接新生命，Elanne就話小朋友嘅嘢不能強求，要順其自然。唔少見證住佢哋呢4年「努力」嘅朋友同粉絲都好感動，紛紛留言恭賀！

撰文：黃蘊姿

圖片來源：Instagram