江伊晴（Elanne）與蕭唯展（Oscar）結婚近兩年，兩公婆經常在網上公開打情罵俏，恩愛非常；Elanne在社交網直播右腳紋身的片段，與Oscar愛得黐纏的Elanne，特別在腳眼位置紋上「o」和「e」字，還有紋上愛貓「糯米糍」的卡通樣子，她接受《晴報》訪問時，自爆紋身期間除了「嗌到生仔咁」，還痛得「典嚟典去」，認真搞笑。
相關新聞：【結婚2年努力造人】江伊晴33歲生日素顏著浴袍放閃 笑老公電話開Speaker破壞驚喜
（IG截圖）
（IG截圖）
在Elanne上載的紋身片段中，看到她戴着口罩一臉輕鬆的舉V，然後鏡頭一轉，她已經側身躺在一張長椅子上，讓女紋身師替她在右腳紋上一條幼紅繩和愛貓，而繩子另一邊則紋上黑色的「o」和「e」字，寓意跟老公Oscar永遠緊扣在一起，永不分離。
（IG截圖）
（IG截圖）
Elanne亦分享多張紋身前後的相片，當中有她跟紋身師傅的合照，亦有老公在一旁自拍的相。Elanne留言：「一直都好想送份禮物俾自己，就係紋個有o有e有埋我隻貓嘅紋身，但我好怕痛，今次終於鼓起勇氣，梗係搵紋得最靚又最可靠嘅@codybabe啦！雖然我真心好廢，（紋）條腳繩仔嗌到生仔咁，不過好開心呀，超靚呀！」有網民留言「我都想紋 但係又怕痛」、「哪來的勇氣」，有網民則提議「應該紋生煎包」。
（IG截圖）
（IG截圖）
對於今次突然走去紋身，Elanne接受本報電話訪問，透露身邊朋友會紋一些有意義或有紀念性的東西在身上，自己亦心思思想試，她說：「我因為工作關係，唔可以紋喺手或背脊，但一條好細、好迷你嘅腳繩就可以，好似一個裝飾咁。」
（IG截圖）
（IG圖片）
Elanne亦分享紋身期間自己的瘀事，她說：「好多人話紋身唔痛，我隔離嗰個人直情面不改容，仲可以瞓埋覺，但我紋嘅時候就覺得好痛，痛到典嚟典去，好鬼失禮。」Elanne指紋身師傅本身是她和Oscar的朋友，所以專程找她替自己紋身，她大讚：「佢真係紋得好靚，啲圖案好得意，顏色又繽紛，唔似以往嘅紋身咁悶。」
（IG圖片）
（IG圖片）
提到老公都有陪自己去紋身？Elanne笑稱：「佢知我驚所以陪我去，同埋畀我咬住佢隻手，哈哈！」Oscar有「生煎包王子」之稱，有網民留言叫Elanne和Oscar紋個生煎包上身，Elanne聞言謂：「我哋有諗過，但實在太娘喇！（唔排除之後紋番個？）咁又唔會，好奇怪㗎嘛！」
Oscar右手手腕紋有「E」字愛的紋身。（IG圖片）
Elanne與愛貓「糯米糍」。（IG圖片）
其實Oscar與Elanne熱戀期間，他亦紋了一個色彩繽紛的「E」字「愛的紋身」，代表與Elanne在一起後「生活變得好燦爛」，超級肉麻；但Elanne就相當受落，她當年受訪時更冧爆表示：「我事前真係唔知道，好驚喜同開心，都幾浪漫。」
撰文：倪小珊